ముంబై-హైదరాబాద్ మ్యాచ్.. అదే టర్నింగ్ పాయింట్ !
సన్ రైజర్స్ హైదరాబాద్ ఓపెనర్ ఒక్కసారిగా ముంబై అభిమానుల హీరోగా మారిపోయాడు. నిన్న ముంబయి ఇండియన్స్‌తో జరిగిన మ్యాచ్‌లో బెయిర్‌స్టో అదరగొట్టేసిన సంగతి తెలిసిందే. మూడు బౌండరీలు, నాలుగు సిక్సర్లూ బాదాడు. అతడి దూకుడుని చూస్తే.. సన్ రైజర్స్ ఈజీగా గెలిచేస్తోంది అనిపించింది. ఈ దశలో 43 పరుగుల వద్ద బెయిర్ స్టో హిట్‌ వికెట్‌గా ఔటయ్యాడు. ఆ తర్వాత కథంతా మారిపోయింది.
డేవిడ్‌ వార్నర్‌ కూడా రనౌట్‌ అయ్యాక సన్‌రైజర్స్‌ వికెట్లు టపటపా పడ్డాయి. ఆఖరికి 150 పరుగుల లక్ష్యాన్ని చేరలేక 137 దగ్గరే హైదరాబాద్ ఇన్నింగ్స్‌ ఆగిపోయింది. 13 పరుగుల తేడాతో ముంబయి విజయాన్ని అందుకుంది. ఇక ఈ మ్యాచ్‌లో టర్నింగ్ పాయింట్ బెయిర్‌స్టో హిట్‌ వికెట్టే అంటున్నారు విశ్లేషకులు. అతడు ఔట్‌ అయ్యాక ముంబయి అభిమానులకు హీరోగా మారిపోయినట్టు ట్రోల్ చేస్తున్నారు నెటిజన్లు. దీనికి సంబంధించిన మీమ్స్‌ నవ్వులు పంచుతున్నాయి. వాటిపై మీరు ఓ లుక్కేయండీ.. !
