TSలో 6,206 కేసులు.. 29 మరణాలు !

తెలంగాణలో కరోనా ఉద్ధృతి కొనసాగుతోంది. గడిచిన 24 గంటల్లో తెలంగాణలో 6,206 పాజిటివ్‌ కేసులు నమోదయ్యాయి. మరో 29 మంది కరోనాతో మృతిచెందారు. కరోనా బారి నుంచి నిన్న 3,052 మంది కోలుకున్నారు. రాష్ట్రంలో ప్రస్తుతం యాక్టివ్‌ కేసుల సంఖ్య 52,726కి చేరింది. జీహెచ్‌ఎంసీ పరిధిలో మరో 1,005 కేసులు నమోదయ్యాయి.

ఇక దేశంలో గడిచిన 24 గంటల్లో 3,32,730 కొత్త కేసులు నమోదయ్యాయ్. మరో 2,263 మంది ప్రాణాలు విడిచారు. దాంతో మొత్తం కేసుల సంఖ్య 1,62,63,695కి చేరగా..ఇప్పటివరకు 1,86,920 మంది మృత్యుఒడికి చేరుకున్నారు. ప్రస్తుతం 24,28,616 మంది కొవిడ్‌తో బాధపడుతుండగా.. క్రియాశీల రేటు 14.38 శాతానికి పెరిగింది. నిన్న ఒక్కరోజే 1,93,279 మంది కరోనా నుంచి కోలుకోగా.. మొత్తంగా వైరస్‌ను జయించిన వారి సంఖ్య కోటీ 36లక్షలకు పైబడింది. రికవరీ రేటు మాత్రం 84.46 శాతానికి పడిపోయింది.