బ్రేకింగ్ : ఐపీఎల్-2021 నిరవధిక వాయిదా

ఐపీఎల్ ఐపాయె.. ! కరోనా మహమ్మారి దెబ్బకు మెగా టోర్నీ నిరవధికంగా వాయిదా పడింది. ఈ మేరకు బీసీసీఐ ప్రకటన చేసింది. ఈ సీజన్‌ను ఐపీఎల్‌ మ్యాచ్‌లను నిరవధికంగా వాయిదా వేస్తున్నట్లు బీసీసీఐ ఉపాధ్యక్షుడు రాజీవ్‌ శుక్ల ప్రకటించారు. గత రెండ్రోజులుగా ఐపీఎల్ ఆటగాళ్లు, కోచ్ లు, సిబ్బంది వరుసగా కరోనా బారినపడుతున్నారు.

తాజాగా సన్‌రైజర్స్‌ ఆటగాడు వృద్ధిమాన్‌ సాహాకు కరోనా నిర్ధారణ కావడంతో సన్‌రైజర్స్‌ హైదరాబాద్‌ జట్టు ఆటగాళ్లు ఐసోలేషన్‌లోకి వెళ్లారు. అలాగే దిల్లీ క్యాపిటల్స్‌ స్పిన్నర్‌ అమిత్‌ మిశ్రా కూడా కరోనా బారినపడ్డాడు. కోల్‌కతా ఆటగాళ్లు వరణ్‌ చక్రవర్తి, సందీప్‌ వారియర్‌లకు తాజాగా చేసిన పరీక్షల్లో కరోనా నిర్ధరణ అయింది. చెన్నై బౌలింగ్‌ కోచ్‌ బాలాజీ కూడా పాజిటివ్‌గా నివేదిక వచ్చింది. ఈ నేపథ్యంలో బీసీసీఐ తాజా సీజన్‌ను వాయిదా వేస్తూ నిర్ణయం తీసుకుంది.