గుడ్ న్యూస్ : పవన్ కల్యాణ్’కు కరోనా నెగటివ్

జనసేన అధినేత, పవర్ స్టార్ పవన్ కల్యాణ్ అభిమానులకు గుడ్ న్యూస్. కరోనా నుంచి పవన్ కోలుకున్నారు. తాజగా నిర్వహించిన టెస్టుల్లో ఆయనకి నెగటివ్ వచ్చింది. ఈ విషయాన్ని తెలియజేస్తూ.. శనివారం జనసేన పార్టీ ఓ పత్రికా ప్రకటన విడుదల చేసింది.

“జనసేన పార్టీ అధ్యక్షుడు పవన్‌కల్యాణ్‌ కోలుకున్నారు. వైద్యసేవలు అందించిన డాక్టర్లు మూడు రోజుల కిందట ఆయనకు మరోసారి కొవిడ్‌ పరీక్షలు నిర్వహించారు. ఆ పరీక్షల్లో నెగెటివ్‌గా నిర్ధారణ అయ్యింది. ఆరోగ్యపరంగా ఆయనకు ఇబ్బందులేమీ లేవని వైద్యులు తెలిపారు” అని జనసేన పార్టీ తన ప్రకటనలో పేర్కొంది.

తిరుపతి ఉప ఎన్నికల ప్రచారంంలో పాల్గొన్న పవన్… తన వ్యక్తిగత సిబ్బందిలో చాలా మంది వైరస్‌ బారిన పడడంతో కొవిడ్‌ పరీక్షలు చేయించుకున్నారు. ఆయనకు సైతం పాజిటివ్‌గా నిర్ధారణ అయ్యింది. దీంతో పవన్ క్వారంటైన్ లోకి వెళ్లినట్టు జనసేన పార్టీ ప్రకటన చేశింది. పవన్ తన వ్యవసాయ క్షేత్రంలోనే ఉంటూ వైద్యుల పర్యవేక్షణలో చికిత్స తీసుకున్నారు. పవన్ కోలుకోవాలని ఆయన అభిమానులు, జనసేన శ్రేణులు ప్రార్థనలు ఫలించాయ్. తాజాగా అవి ఫలించాయి. పవన్ కరోనా నుంచి పూర్తి స్థాయిలో కోలుకున్నారు.

Sri @PawanKalyan recovers from Corona pic.twitter.com/RFE4gIBmLz— JanaSena Party (@JanaSenaParty) May 8, 2021