విజయ్ ఫ్యాన్స్ కి కత్తిలాంటి న్యూస్ !
టాలీవుడ్.. బాలీవుడ్ అంతరం తగ్గిపోతోంది. హద్దులు చెరిగిపోతున్నాయ్. టాలీవుడ్ స్టార్స్ పాన్ ఇండియా సినిమా చేస్తున్నారు. ఇప్పటికే ప్రభాస్ పాన్ ఇండియా స్టార్ గా అవతరించాడు. ఆయన దారిలోనే విజయ్ దేవరకొండ, అల్లు అర్జున్, ఎన్టీఆర్, రామ్ చరణ్.. వెళ్లేందుకు ప్లాన్ చేసుకుంటున్నారు. ఈ నేపథ్యంలో బాలీవుడ్ భామలతో టాలీవుడ్ స్టార్స్ రొమాన్స్ కామన్ అయిపోతుంది. ఇప్పటికే ప్రభాస్ బాలీవుడ్ బ్యూటీస్ శ్రద్దా కపూర్, ఫెర్నాండెజ్ లతో రొమాన్స్ చేశారు. అంతేకాదు.. దీపిక పదుకొనెతో ప్రభాస్ జతకట్టబోతున్నారు.
ఈ విషయం పక్కనపెడితే.. బర్త్ డే బాయ్ విజయ్ దేవరకొండ గురించి ఓ కత్తి లాంటి న్యూస్ బయటికొచ్చింది. అదేటంటే.. ? బాలీవుడ్ స్టార్ హీరోయిన్ కత్రినా కైఫ్ తో విజయ్ రొమాన్స్ చేయనున్నారట. త్వరలోనే దీనికి సంబంధించిన అప్ డేటు రానుందని సోషల్ మీడియాలో ఓ ప్రచారం మొదలైంది. విజయ్ సినిమాలో కత్రినా హీరోయిన్ గా నటించనుందా ? లేక ‘లైగర్’లో కత్రినా ఐటమ్ సాంగ్ లో మెరవనుందా ? అనే క్లారిటీ రావాల్సి ఉంది.
పూరి జగన్నాథ్ దర్శకత్వంలో లైగర్ తెరకెక్కుతోన్న సంగతి తెలిసిందే. విజయ్ కి జంటగా అనన్య పాండే నటిస్తున్నారు. పూరి, విజయ్ లు చేస్తున్న తొలి పాన్ ఇండియా సినిమా ఇది. ఈ సినిమా సక్సెస్ అయితే.. వీరిద్దరి నుంచి మరిన్ని పాన్ ఇండియా సినిమాలు రావొచ్చు. ఈ సినిమాలో సీనియర్ హీరోయిన్ రమ్యకృష్ణ కీలక పాత్రలో నటిస్తున్నారు. ఆమె పాత్ర సినిమాలో హైలైట్ గా ఉండనుందని సమాచారమ్.
