ఏక్ మినీ కథ.. పెద్ద రేటు !
చిన్న బడ్జెట్ సినిమాలు బ్లాక్ బస్టర్ హిట్ అవ్వడం.. భారీ లాభాలు తెచ్చిపెట్టిన సందర్భాలున్నాయి. అర్జున్ రెడ్డి ఇలాంటి సినిమానే. ఇప్పుడు చిన్ని బడ్జెట్ తో తెరకెక్కిన ఏక్ మినీ కథ కూడా భారీ లాభాలు తీసుకొచ్చినట్టు సమాచారమ్. అది కూడా రిలీజ్ కి ముందే. సంతోష్ శోభన్ హీరోగా తీసిన ఇది.
చాలా తక్కువ బడ్జెట్ తో తయారైంది. కాస్త అడల్డ్ కామెడీ టచ్ వున్న సబ్జెక్ట్ ఇది. మేర్లపాక మురళి దర్శకుడు. యూవీ సంస్థ నిర్మించింది. దీన్ని అమెజాన్ ఒరిజినల్స్ కింద ఇచ్చినట్లు తెలుస్తోంది.తొమ్మిది కోట్లకు కాస్త అటు ఇటుగా అమ్మేసారని తెలుస్తోంది. ఈ నేపథ్యంలో ఐదారు కోట్ల లాభం వచ్చిందని చెబుతున్నారు. ఈ నెలాఖరులో ఈ సినిమా ఓటిటిలో విడుదలవుతుంది.
