APలో 89, TSలో 31 మంది మృతి !
కొద్దిరోజులుగా తెలుగు రాష్ట్రాల కరోనా అప్ డేటు దాదాపు ఒకే టైమ్ లో వస్తోంది. ఇన్నాళ్లు ప్రతిరోజూ ఉదయం తెలంగాణ కరోనా రిపోర్ట్ వచ్చేది. ఇటీవలే దాంట్లో మార్పు చేశారు. ప్రతిరోజూ సాయంత్రమే తెలంగాణ కరోనా రిపోర్ట్ వస్తోంది. ఇక ఏపీ కరోనా రిపోర్ట్ ముందు నుంచి సాయంత్రమే వస్తున్న సంగతి తెలిసిందే.
ఇక గడిచిన 24 గంటల్లో తెలుగు రాష్ట్రాల్లో భారీగానే కరోనా కేసులు నమోదయ్యాయ్. తెలంగాణలో గడిచిన 24 గంటల్లో కొత్తగా 4,723 పాజిటివ్‌ కేసులు నమోదయ్యాయి. మరో 31 మంది మృతి చెందారు. తాజా కేసులతో కలిపి రాష్ట్రంలో మొత్తం కేసులు 5,11,711కు చేరాయి. మొత్తం మృతుల సంఖ్య 2,834కు చేరింది. ఇప్పటివరకూ 4,49,744 మంది కరోనా నుంచి కోలుకున్నారు. ప్రస్తుతం రాష్ట్రంలో 59,133 యాక్టివ్‌ కేసులు ఉన్నాయి.
ఇక ఏపీలో గడిచిన 24 గంటల్లో 21,452 కొత్త కేసులు నమోదయ్యాయి. కొవిడ్‌తో బాధపడుతూ 89మంది మృతి చెందారు. తాజా కేసులతో కలిపి ఇప్పటివరకూ రాష్ట్రంలో 13,44,386 మంది వైరస్‌ పడ్డారు. ప్రస్తుతం రాష్ట్రంలో 1,97,370 యాక్టివ్‌ కేసులు ఉన్నాయి.
