‘బెల్‌బాటమ్‌’ ఓటీటీ రిలీజ్.. యూటర్న్ !
బాలీవుడ్ స్టార్ అక్షయ్ కుమార్ నటించిన రెండు సినిమాలు బెల్‌బాటమ్‌, సూర్యవంశీ రిలీజ్ కు రెడీగా ఉన్నాయ్. వీటిలోబెల్‌బాటమ్‌ ఓటీటీ రిలీజ్ ఖాయమైంది. అమెజాన్ ప్రైమ్ లో విడుదల కానుందనే ప్రకటనలు వచ్చాయ్. ఐతే ‘బెల్‌బాటమ్‌’ను నేరుగా అమెజాన్‌లో విడుదల చేసే నిర్ణయం ఇంకా జరగలేదని తెలుస్తోంది. ఇంకా థియేటర్, ఓటీటీ రెండు అవకాశాలను పరిశీలిస్తున్నారట నిర్మాతలు.
‘ఇన్ని రోజులూ థియేటర్ కోసమే చూశాం. కానీ క్లిష్ట పరిస్థితులు ఎక్కువ రోజులుగా కొనసాగుతున్నాయి. అందుకే విడుదల కోసం అన్ని దారులు చూస్తున్నాం. హాట్‌స్టార్, అమెజాన్ ప్రైమ్..ఈ రెండు ఓటీటీ సంస్థలతోనూ చర్చించాం. వీళ్లకి సినిమాని ప్రదర్శించాం కూడా. వాళ్లకు బాగా నచ్చింది. కానీ నిర్ణయం తీసుకోలేదు’ చిత్రబృందం చెప్పినట్టు తెలుస్తోంది. జూన్‌ నెలాఖరునాటికి కచ్చితంగా ఓ నిర్ణయం తీసుకొని జులైలో ఏ పద్ధతిలో విడుదల చేయాలనే నిర్ణయం తీసుకుంటారు.
