ఈటెల భాజాపాలో చేరిక.. ఈరోజే ?

మాజీ మంత్రి ఈటల రాజేందర్‌ భాజాపాలో చేరడం దాదాపు ఖాయమైంది. ఈ నేపథ్యంలో ఆయన ఆదివారం రాత్రి దిల్లీ వచ్చారు. ఢిల్లీలో భాజపా జాతీయ అధ్యక్షుడు జేపీ నడ్డాతో సోమవారం ఈటల భేటీ కానున్నారు. హోం శాఖ సహాయ మంత్రి కిషన్‌రెడ్డి, భాజపా రాష్ట్ర అధ్యక్షుడు బండి సంజయ్‌ సోమవారం దిల్లీ చేరుకోనున్నారు.

మరోవైపు ఈటెల ఈరోజే బీజేపీలో చేరనున్నారనే ప్రచారం జరుగుతోంది.  అయిదారు రోజుల్లో ఈటల హుజూరాబాద్‌ వెళ్లి వచ్చాక భాజపాలో చేరతారని.. నియోజకవర్గానికి వెళ్లివచ్చిన తర్వాతే ఎమ్మెల్యే పదవికి, తెరాసకు రాజీనామా చేయాలని ఈటల యోచిస్తున్నట్లు ఆయన సన్నిహితులు చెబుతున్న మాట. మొత్తానికి… ఢిల్లీ టూర్ లో ఈటెల భాజాపాలో చేరడం పక్కా చేసుకోనున్నారు. ఇక పార్టీలో చేరిక ఎప్పుడు ? అన్నది మాత్రం ప్రస్తుతానికి సస్పెన్స్. బహుశా.. ఈరోజు సాయంత్రానికల్లా దీనిపై క్లారిటీ రావొచ్చు.