సోనూసూద్ హీరోగా క్రిష్ సినిమా ?

విలన్లు హీరోలుగా మారడం చూశాం. కానీ రియల్ హీరో అనిపించుకున్న హీరోలు, విలన్లు చాలా తక్కువ. కరోనా విజృంభణకు ముందు అసలు లేరనే చెప్పాలి. క‌రోనా విల‌య‌తాండ‌వం చేస్తున్న వేళ‌.. పుట్టుకొచ్చిన కొత్త హీరో.. కాదు రియల్ హీరో సోనూసూద్‌. కనిపించే దేవుడుగా మారాడు. పేదల పాలిట వరం అయ్యాడు. ఇప్పుడు తెరపై కూడ సోనూని హీరోగా చూడాలని ప్రేక్షకులు ఆశపడుతున్నారు. దర్శకులు కూడా సోనూ కోసం కథలు రాసుకొని క్యూ కడుతున్నారు. కానీ వాటిని ఆయన సున్నితంగా తిరస్కరిస్తున్నారని సమాచారమ్.

ఈ క్రమంలో ద‌ర్శ‌కుడు క్రిష్ కూడా సోనూసూద్ కోసం ఓ క‌థ రెడీ చేసుకున్నాడ‌ని, ఇద్ద‌రి కాంబినేష‌న్‌లో ఓ సినిమా రాబోతోంద‌ని వార్త‌లొచ్చాయి. అయితే.. సోనూసూద్ స‌న్నిహిత వ‌ర్గాలు ఈ విష‌యాన్ని ఖండించాయి. అస‌లు క్రిష్‌.. సోనూసూద్ ల మ‌ధ్య భేటీ జ‌ర‌గ‌లేద‌ని, ఈ కాంబోలో సినిమా అనే వార్త‌ల్లో ఎలాంటి నిజం లేద‌ని తేల్చేశాయి. ప్రస్తుతం సోనూసూద్ కి ఖాళీ లేదు. ఇప్ప‌టికి త‌న చేతిలో ఆరు సినిమాలున్నాయ‌ట‌. అవన్నీ ప్రధాన పాత్రలే. హీరోగా కాదు. తెరపై హీరోయిజం చూపించేందుకు ఆయన ఆతృత పడటం లేదట.