ఎన్ని ఇబ్బందులు వచ్చినా కేసీఆర్‌ వెంటే ఉంటా : నామా
ఎన్ని ఇబ్బందులు వచ్చినా కేసీఆర్‌ వెంటే ఉంటా.. అంటున్నారు ఖమ్మం ఎంపీ నామా నాగేశ్వరరావు. శనివారం హైదరాబాద్‌లో నామా మీడియాతో మాట్లాడారు.తన బలగం ఖమ్మం నియోజకవర్గ ప్రజలు అని ఆయన అన్నారు.ఇటీవల మధుకాన్‌ కంపెనీపై వచ్చిన ఆరోపణల్లో వాస్తవం లేదని కొట్టిపారేశారు.
“40 ఏళ్ల క్రితం మధుకాన్‌ను స్థాపించా. ఎంతో శ్రమించి కంపెనీని విస్తరించా. మధుకాన్‌ ఎన్నో ప్రతిష్ఠాత్మక ప్రాజెక్టులు చేపట్టింది. దేశ సరిహద్దుల్లో క్లిష్టతర ప్రాంతాల్లో రోడ్లను నిర్మిస్తున్నాం. చైనా సరిహద్దుల్లోనూ రోడ్ల నిర్మాణం చేపట్టాం. మధుకాన్‌పై వచ్చిన ఆరోపణల్లో వాస్తవం లేదు. ఎన్ని ఇబ్బందులు వచ్చినా కేసీఆర్‌ వెంటే ఉంటా’నని నామా అన్నారు.
