పవన్-రానా సినిమా లెటెస్ట్ అప్ డేట్

పవన్ కల్యాణ్ – రానా దగ్గుబాటి కలిసి తెరను పంచుకోబోతున్న సంగతి తెలిసిందే. ‘అయ్యప్పనుమ్ కొషియమ్’ రీమేక్ లో నటిస్తున్నారు. ఈ చిత్రానికి మాటల మాంత్రికుడు త్రివిక్రమ్ కథ స్క్రీన్ ప్లే అందించడం విశేషం. ఈ చిత్రాన్ని ఈ యేడాదిలోనే రిలీజ్ చేయాలని అనుకున్నారు. కానీ కరోనా సెకండ్ వేవ్ విజృంభణతో లెక్కలు మారాయి. 

ఇప్పటి వరకు 40 శాతం షూటింగ్ మాత్రమే పూర్తయింది. వచ్చే నెల నుంచి సినిమాని సెట్స్ మీదకు తీసుకెళ్లనున్నారు. అయితే రిలీజ్ మాత్రం ఈ యేడాది సాధ్యం కాకపోవచ్చు. వచ్చే యేడాదిలో ఉంటుందని సమాచారమ్. వచ్చే యేడాది సంక్రాంతి కానుకగా బరిలో నిలిపే అవకాశాలు కనిపిస్తున్నాయి. ఈ చిత్రానికి థమన్ సంగీతం అందిస్తున్నారు. మైత్రీ మూవీస్ నిర్మిస్తోంది. వకీల్ సాబ్ తర్వాత పవన్ నుంచి రాబోతున్న సినిమా ఇదే కానుంది. ఆ తర్వాత హరిహర వీరమల్లు, హరీష్ శంకర్ సినిమా క్యూ కట్టనున్నాయి.