పవన్ సినిమా.. డైరెక్టర్ గా వినాయక్ !
పవర్ స్టార్ పవన్ కల్యాణ్ సినిమా కోసం వివి వినాయక్ పని చేయనున్నారు. అలాగని ఆయన పవన్ ని డైరెక్ట్ చేయడం లేదు. ఓ కీలక పాత్రలో నటించబోతున్నారు. సాగర్ కే చంద్ర దర్శకత్వంలో ‘అయ్యప్పనుమ్ కొషియమ్’ రీమేక్ తెరకెక్కుతోన్న సంగతి తెలిసిందే. పవన్-రానా కలిసి నటిస్తున్నారు. ఈ చిత్రానికి త్రివిక్రమ్ కథ-స్క్రీన్ ప్లే అందిస్తున్నారు.
ఈ చిత్రంలో ఓ కీలక పాత్రలో వివి వినాయక్ నటిస్తున్నారనే ప్రచారం ముందు నుంచి ఉంది. తాజాగా ఈ విషయంపై వి.వి వినాయక్ స్పందించారట. సన్నిహితులతో చెబుతూ అవును నిజమే పవన్ సినిమాలో నేను కూడా ఓ పాత్ర పోషిస్తున్నానని… అది కూడా ఓ ఫిలిమ్ మేకర్ గా కనిపిస్తానని క్లారిటీ ఇచ్చారట. ఇక ఈ సినిమాలో పవన్ ఓ పోలీస్ ఆఫీసర్ గా కనిపించబోతున్నాడు. రానా రిటైర్డ్ ఆర్మీ ఆఫీసర్ గా కనిపించనున్నారు.
