కెప్టెన్సీ మార్పు : వన్డే, టీ20 కెప్టెన్ గా రోహిత్, టెస్ట్ కెప్టెన్ గా రహానె !

ప్రపంచ టెస్ట్ ఛాంపియన్‌షిప్ ఫైనల్లో కోహ్లీ సారధ్యంలోని టీమిండియా ఘోరంగా ఓడింది. అద్భుత ప్రదర్శనతో 8 వికెట్ల తేడాతో కివీస్ గెలిచింది. వర్షం అడ్డంకితో  రెండ్రోజుల ఆట రద్దయిన సంగతి తెలిసిందే. అయినా.. రిజర్వ్ డే తో కలుపుకొని నాలుగురోజుల పాటు సాగిన టెస్టులో కివీస్ అద్భుత ప్రదర్శన చేసింది. అయితే ఈ మ్యాచ్ టీమిండియా ఓడిపోవడానికి ప్రధాన కారణం విరాట్ కోహ్లీ నే అని నెటిజన్స్  తిట్టిపోస్తున్నారు. సరైన జట్టుని ఎంపిక చేసుకోలేదు.. సరైన ప్లేసులో ఫీల్డింగ్ సెట్ చేయలేదు. బౌలింగ్ మార్పులు సరిగ్గాల్లేవ్ అని తిట్టిపోస్తున్నారు.

WeWantNewCaptain అనే హ్యాష్ ట్యాగ్‌ను ట్రెండ్ చేస్తున్నారు. విరాట్ స్థానంలో రోహిత్ శర్మని కెప్టెన్ చేయాలి. కనీసం అప్పుడైనా టీ20 వరల్డ్ కప్ ని గెలుస్తామని సలహాలు ఇస్తున్నారు. మరికొందరు టెస్ట్ కెప్టెన్ గా రహాని నియమించాలి. వన్డే, టీ20లకు రోహిత్ ఫర్ ఫెక్ట్ అంటున్నారు. కోహ్లీతో పాటు కోచ్ రవిశాస్త్రిని కూడా మార్చాల్సిందేనని పట్టుబడుతున్నారు. మరీ.. నెటిజన్స్ విజ్ఝప్తిపై బీసీసీ ఎలా స్పందిస్తుంది ? అన్నది చూడాలి.