అఖిల్, నిఖిల్’లని కలపి అమ్మేస్తున్నారా ?

తెలుగు రాష్ట్రాల్లో థియేటర్స్ తిరితి ఎప్పుడు తెరచుకుంటాయ్ ? అన్నది ప్రస్తుతానికి క్లారిటీ లేని విషయం. తెలంగాణలో పూర్తిగా లాక్ డౌన్ ఎత్తేశారు. థియేటర్స్ తెరచుకోవడానికి అనుమతులు ఇచ్చారు. కానీ ఏపీలో ఇంకా లాక్ డౌన్ నిబంధ‌న‌లు ఉన్నాయి. ఈ నేపథ్యంలో జులై చివరి వారం లేదా ఆగస్టులో థియేటర్స్ తెరచుకొనే అవకాశాలు కనిపిస్తున్నాయి. మరోవైపు దేశంలో డెల్టా వేరియెంట్ కేసులు వెలుగులోకి వస్తున్నాయి. ఇది వేగంగా విజృంభించే అవకాశాలు ఉన్నాయనే ప్రచారం ఉంది.

ఈ నేపథ్యంలో ఇప్పటికే రిలీజ్ కి రెడీగా ఉన్న తెలుగు సినిమాలు ఓటీటీలని ఆశ్రయించే అవకాశాలు కనిపిస్తున్నాయి. ఈ క్రమంలో ‘అఖిల్ మోస్ట్ ఎలిజిబుల్ బ్యాచిల‌ర్‌, నిఖిల్ 18 పేజీస్‌ రెండూ.. ఓటీటీలో విడుదల కావొచ్చని తెలుస్తోంది. ఈ రెండు చిత్రాల్ని గీతా ఆర్ట్స్ 2 సంస్థ నిర్మించింది. బ‌న్నీ వాసు నిర్మాత‌.ఈ రెండు సినిమాలు బల్క్ గా ఆహా లేదా అమెజాన్ కి వెళ్లొచ్చని సమాచారమ్. నాలుగైదు రోజుల్లో ఈ రెండు సినిమాల ఓటీటీ రిలీజ్ పై ఓ క్లారిటీ రానుందని చెబుతున్నారు.