ఆఖరి రౌండ్ లో మెగా హీరోలు
మెగా హీరోలు ఇప్పుడు ఆఖరి రౌండ్ లో ఉన్నారు. ‘ఆర్ఆర్ఆర్’ ఫైనల్ షెడ్యూల్ పూర్తి కావొస్తోంది. ఇందులో తన పార్ట్ ని పూర్తి చేసుకున్న రామ్ చరణ్.. ‘ఆచార్య’ షూటింగ్ లో జాయిన్ అయ్యారు. ఆచార్య ఆఖరి షెడ్యూల్ మొదలైంది అంటూ చరణ్ అప్ డేట్ కూడా ఇచ్చారు. ఆఖరి షెడ్యూల్ లో ఎక్కువ సీన్స్ చరణ్ పై చిత్రీకరించనున్నారని తెలుస్తోంది.
మరోవైపు ‘ఘని’ (వరుణ్ తేజ్) కూడా ఆఖరి షెడ్యూల్ లో ఉన్నానని అప్ డేట్ ఇచ్చారు. కొత్త దర్శకుడు కిరణ్ దర్శకత్వంలో వరుణ్ తేజ్ నటిస్తున్న చిత్రమిది. ఇందులో వరుణ్ తేజ్ బాక్సర్ గా కనిపించబోతున్నారు. ఇందుకోసం ప్రత్యేక శిక్షణ కూడా తీసుకున్నారు. అల్లు బాబి, అతడి స్నేహితుడు సిద్దు కలిసి నిర్మిస్తున్న సినిమా ఇది.
కరోనా సెకండ్ వేవ్ తగ్గుముఖం పట్టింది. ఏపీ ప్రభుత్వం కూడా థియేటర్స్ కి గ్రీన్ సిగ్నల్ ఇవ్వడంతో.. తెలుగు రాష్ట్రాల్లో తిరిగి థియేటర్స్ తెరచుకోనున్నాయి. ఈ నేపథ్యంలో .. సినిమాల షెడ్యూల్స్ తిరిగి ప్రారంభం అవుతున్నాయి. మరోవైపు ఆల్రెడీ షూటింగ్ పూర్తి చేసుకున్న సినిమాలు రిలీజ్ డేట్ ని ప్రకటించేందుకు రెడీ అవుతున్నాయి. ఈ నెలాఖరులో నాని ‘టక్ జగదీష్’, ఆగస్ట్ మొదటి వారంలో నాగ చైతన్య ‘లవ్ స్టోరీ’ రిలీజ్ ప్రేక్షకుల ముందుకు రానున్నట్టు సమాచారమ్.
