సముద్రఖనికి మెగా ఆఫర్

నటుడిగా ఫుల్ బిజీ అయిపోయారు దర్శకుడు సముద్రఖని. అలవైకుంఠపురం, క్రాక్ సినిమాలతో తెలుగులో పాత్రలు వెదుక్కుంటూ వస్తున్నాయి. పవన్ కళ్యాణ్ అయ్యప్పన్ రీమేక్ లో కీలకపాత్ర చేస్తున్నారు. మహేష్ బాబు ‘సర్కారు వారి పాట’లో విలన్ సముద్రఖనినే. తాజాగా సముద్రఖనికి మెగా ఆఫర్ వచ్చినట్టు సమాచారమ్.

ప్రస్తుతం ఆచార్య తో బిజీగా ఉన్న మెగాస్టార్ చిరంజీవి.. ఆ తర్వాత లూసిఫర్ రిమేక్ లో నటించనున్న సంగతి తెలిసిందే. ఈ సినిమాలో ఓ మంచి పాత్రను సముద్రఖని కి ఆఫర్ చేసినట్లు తెలుస్తోంది. లూసిఫర్ కు అనేక మార్పులు చేర్పులు చేసి తెలుగులో చేస్తున్నారు. ఈ నేపథ్యంలో సముద్రఖనికి ఆఫర్ చేసిన పాత్ర ఏమిటి ? అన్నది తెలియాల్సి ఉంది. మోహన్ రాజా దర్శకత్వంలో లూసిఫర్ రిమేక్ తెరకెక్కనుంది. ఎన్వీప్రసాద్ నిర్మించనున్నారు.