గ్రేట్ దర్శకుడు శంకర్ దర్శకత్వంలో రామ్ చరణ్ హీరోగా ఓ సినిమా రాబోతున్న సంగతి తెలిసిందే. దిల్ రాజు నిర్మాత. ఇప్పటికే అధికారిక ప్రకటన వచ్చేసింది. ‘ఆర్ఆర్ఆర్’ తర్వాత చేయనున్న సినిమా ఇదే. ఈ సినిమాలో చరణ్ కు జోడీ కట్టేది ఎవరు ? అనే ఉత్కంఠకు చిత్రబృందం తెరదించింది. హీరోయిన్ ని ఖరారు చేసింది. బాలీవుడ్ బ్యూటీ కైరా అద్వానీని ఎంపిక చేశారు. ఈ మేరకు అధికారిక ప్రకటన చేశారు.

ఇప్పటికే కైరాకు చరణ్ తో కలిసి నటించిన అనుభవం ఉంది. ‘వినయ విధేయ రామా’ కోసం వీరిద్దరు జంటగా నటించారు. ఆ తర్వాత మళ్లీ తెలుగు సినిమాల్లో ఆమె కనిపించలేదు. బాలీవుడ్ లో బిజీ అయింది. ఇప్పుడు రామ్ చరణ్-శంకర్ ప్రాజెక్ట్ కి ఆమె ఓకే చెప్పింది. ఈ చిత్రానికి థమన్ సంగీతం అందించనున్నారు.  ప్రస్తుతం ఈసినిమా ప్రీ ప్రొడెక్షన్‌ పనులు జరుగుతున్నాయి. వచ్చే ఏడాదిలో రెగ్యులర్‌ షూట్‌ ప్రారంభించే అవకాశాలున్నట్లు సమాచారం. భారీ బడ్జెట్‌తో తెరకెక్కనున్న ఈ చిత్రాన్ని 2024లో విడుదల చేయవచ్చని టాక్‌ వినిపిస్తోంది.