మెగా’స్టార్ ఫ్యాన్’ కథ

మెగాస్టార్ చిరంజీవి ప్రస్తుతం ‘ఆచార్య’ సినిమాతో బిజీగా ఉన్నారు. ఇది పూర్తవ్వగానే ‘లూసీఫ‌ర్’ రిమేక్ చేయనున్నారు. ఆ తర్వాత బాబి ద‌ర్శ‌క‌త్వంలో చిరంజీవి సినిమా ఉండనుంది. ఇది మ‌ల్టీస్టార‌ర్ అని ప్ర‌చారం సాగుతోంది. ఇప్పుడు బాబి కూడా ఈ విష‌యాన్ని ధృవీక‌రించారు. “ఇది ఓ స్టార్ కీ అభిమానికీ మ‌ధ్య జ‌రిగే క‌థ‌“ అని ఒక్క ముక్క‌లో చెప్పేశారు.

ఆ స్టార్ గా చిరంజీవి న‌టిస్తుంటే, అభిమానిగా మ‌రో హీరో క‌నిపించాలి. మెగాస్టార్ సినిమాలో ఫ్యాన్ గా కనిపించే హీరో ఎవరన్నది ఇప్పుడు ఆసక్తిగా మారింది. బహుశా.. మెగా యంగ్ హీరోల్లో ఎవరో ఒకరిని తీసుకోవచ్చు. స్టయిలీష్ స్టార్ అల్లు అర్జున్ అయితే ఫర్ ఫెక్ట్ గా సరిపోతాడని మెగా అభిమానులు అంటున్నారు. బాలీవుడ్ లో ఫ్యాన్‌ అనే సినిమా వ‌చ్చింది. అదీ స్టార్ కీ అభిమానికీ జ‌రిగే క‌థే. స్టార్ పై అభిమాని తీర్చుకునే రివైంజ్ అది. మెగాస్టార్ ఫ్యాన్ మాత్రం అలా ఉండదు. స్టార్ ని దేవుడిలా చూసే కథ ఇదని తెలుస్తోంది.