ప్రభాస్ ని వాడుకున్న శృతిహసన్

హీరోయిన్ శృతిహాసన్ చాలా తెలివిగా బాలయ్య సినిమా నుంచి తప్పించుకుంది. ఇందుకోసం ప్రభాస్ పేరు వాడుకుంది. దర్శకుడు గోపిచంద్ మలినేనికి శృతిహాసన్ అంటే చాలా ఇష్టం. సెంటిమెంట్ కూడా. ఆయన సినిమాలో శృతి ఉండాల్సిందే. గోపీ దర్శకత్వంలో వచ్చిన బలుపు, క్రాక్ సినిమాల్లో శృతి నటించింది. క్రాక్ తర్వాత గోపీ బాలయ్యతో ఓ సినిమా చేయనున్న సంగతి తెలిసిందే. ఈ సినిమాలోనూ హీరోయిన్ గా శృతిని అనుకున్నాడు. ఆమె కూడా ఓకే చెప్పింది. కానీ ఇంతలో ప్రభాస్ ‘సలార్’లో శృతికి అవకాశం దక్కింది.

ఇలాంటి టైమ్ లో బాలయ్య లాంటి సీనియర్ హీరో సరసన నటించలేనని చెప్పేసింది. అయితే గోపీచంద్ మలినేని సెంటిమెంట్ ను గౌరవిస్తూ, ఆ సినిమాలో ఓ చిన్న ప్రత్యేక పాత్రలో కనిపించడానికి అంగీకరించిందట. ఇలా ప్రభాస్ పేరు చెప్పి బాలకృష్ణ సినిమాను రిజెస్ట్ చేసింది ఈ ముద్దుగుమ్మ. అసలే బాలయ్యకు హీరోయిన్ల కరువు ఉంది. ఈ కరువులోనూ శృతిహాసన్ లాంటి హీరోయిన్ దొరికినందుకు భలే ఖుషి అయిండు. ఇంతలో ఆమె కూడా నో చెప్పేసింది. ఈ మధ్య స్టార్ హీరోయిన్లు ఎవ్వరు బాలయ్య వైపు చూడలేదు.