‘పుష్ప’ విలన్ ఫస్ట్ లుక్
సుకుమార్ – అల్లు అర్జున్ ల హ్యాట్రిక్ చిత్రం ‘పుష్ప’. మలయాళీ విలక్షణ నటుడు ఫహద్‌ ఫాజిల్‌ ఇందులో ప్రతినాయకుడిగా కనిపించనున్నారు. తాజాగా ఆయన ఫస్ట్ లుక్ చిత్రబృందం విడుదల చేసింది. ‘విలన్‌ఆఫ్‌పుష్ప’ పేరుతో ఫహద్‌ ఫస్ట్‌లుక్‌ను షేర్‌ చేసింది. ఇందులో ఆయన భన్వర్‌ సింగ్‌ షెకావత్‌ అనే పోలీస్‌ అధికారిగా.. కంటిచూపుతోనే అందర్నీ గజగజ వణికించేలా పవర్‌ఫుల్‌ పాత్రలో కనిపించనున్నారు. ఎర్రచందనం స్మగ్లింగ్‌ నేపథ్యంలో తెరకెక్కుతున్న భారీ చిత్రమిది.
ఇందులో బన్నీ ఎర్రచందనం స్మగ్లర్‌గా పుష్పరాజ్‌ పాత్రలో కనిపించనున్నారు. రష్మిక కథానాయిక. ఇప్పటికే బనీ, రష్మికల ఫస్ట్ లుక్స్ వచ్చేశాయి. రెండు భాగాలుగా ఈ సినిమా ప్రేక్షకుల్ని అలరించనుంది. ‘పుష్ప ది రైజ్‌’ పేరుతో మొదటి భాగాన్ని ఈ ఏడాది క్రిస్మస్‌కు ప్రేక్షకుల ముందుకు తీసుకురానున్నారు. ఈ చిత్రానికి దేవి శ్రీ ప్రసాద్ సంగీతం అందిస్తున్నారు. మైత్రిమూవీస్ నిర్మిస్తోంది.
