ఖుషి చేసిన సెహ్వాగ్

పవర్ స్టార్ పవన్ కల్యాణ్ అభిమానులని ఖుషి చేశారు టీమిండియా మాజీ క్రికెటర్‌ వీరేంద్ర సెహ్వాగ్. ‘గబ్బర్ సింగ్’ చిత్రంలోని పాపులర్ డైలాగ్ ని ఇమిటేట్ చేశాడు. ‘నాకు కొంచెం తిక్కుంది దానికో లెక్కుంది’ అంటూ పవన్ ని ఫాలో అయిపోయాడు. దీనికి సంబంధించిన వీడియో ఇప్పుడు సోషల్ మీడియాలో వైరల్ అవుతోంది. ప్రపంచం మొత్తం అభిమానులు ఉన్న సెహ్వాగ్ పవర్ స్టార్ ని ఇమిటేట్ చేయడం పట్ల ఆయన అభిమానులు హ్యాపీగా ఫీలవుతున్నారు. ఈ వీడియోను షేర్ చేస్తూ సోషల్ మీడియాలో పవన్ ఫ్యాన్స్ హంగామా చేస్తున్నారు.

సెహ్వాగ్ మంచి ఎంటర్ టైనర్ అన్న విషయం తెలిసిందే. ఆయన బ్యాటింగ్ చేస్తున్న సమయంలో హిందీలోని పాత పాటలని హమ్ చేస్తుండేవాడు. రిటైర్మెంట్ తీసుకున్నాక.. కూడా పలు టీవీ షోస్ లో ఆయన కనిపిస్తున్నాడు. ఎంటర్ టైన్ చేస్తున్నాడు. ఇక సోషల్ మీడియాలో యాక్టివ్ గా ఉండే సెహ్వాగ్.. సటైరికల్ ట్విట్స్ చేయడం మొనగాడు. ఉన్నట్టుంది.. సెహ్వాగ్ కు పవన్ గుర్తొచ్చాడు. ఓ ఇంటర్వ్యూలో అచ్చం పవన్ ని ఇమిటేట్ చేశాడు. ‘నాకు కొంచెం తిక్కుంది దానికో లెక్కుంది’ అంటూ పవన్ ని ఫాలో అయిపోయాడు. అయితే ఈ డైలాగ్ సెహ్వాగ్ కూడా ఫర్ ఫెక్ట్ గా సూటైంది. ఆయన బ్యాటింగ్ శైలి కూడా ఇలాగే ఉండేది. బౌలర్లని ఊచకోత కోస్తూ.. తన తిక్కని చూపించేవాడు. దానికో లెక్క మాత్రం ఉండేది కాదు. అంత నిర్థాక్ష్యంగా విరుచుకుపడేవాడు.

Sehwag Naidu mass 🔥🔥🔥 pic.twitter.com/y8fj0674sG— Chirag Arora (@Chiru2020_) September 6, 2021