ఆర్ఆర్ఆర్ స్థానంలో ఆచార్య

ఊహించినట్టుగానే ‘ఆర్ఆర్ఆర్’ మరోసారి వాయిదా పడింది. అక్టోబర్ 13న రావట్లేదు. ఈ మేరకు ఆర్ఆర్ఆర్ చిత్రబృందం అధికారికంగా ప్రకటించింది. సినిమా పోస్ట్ ప్రొడక్షన్స్ దాదాపు పూర్తయ్యాయి. అయితే కరోనా ఆంక్షలతో దేశంలోని అన్ని చోట్ల ఇంకా పూర్తిస్థాయిలో థియేటర్స్ తెరచుకోలేదు. ఈ నేపథ్యంలోనే సినిమా రిలీజ్ ని వాయిదా వేస్తున్నాం. పూర్తిస్థాయిలో థియేటర్స్ తెరచుకోగానే సినిమాని ప్రేక్షకుల ముందుకు తీసుకొస్తామని ఆర్ఆర్ఆర్ చిత్రబృందం ప్రకటించింది.

ఇప్పుడు ఖాళీ అయిన అక్టోబర్ 13 డేటుని ఏ చిత్రం ఆక్రమించనుంది ? అనే చర్చ మొదలైంది. ఇంకెవరు మెగాస్టార్ చిరంజీవి అని చెబుతున్నారు. కొరటాల శివ దర్శకత్వంలో మెగాస్టార్ నటిస్తున్న ఆచార్య పూర్తి కావొస్తుంది. ఆర్ఆర్ఆర్ వాయిదా పడటం పక్కా.. ఆ డేటులోనే వద్దామని ఆచార్య వేచి చూశాడు. ఇప్పుడు అనుకున్నట్టుగానే అక్టోబర్ 13 డేటు ఖాళీ అయింది. మెగాస్టార్ చిరంజీవి ఆ డేటుని ఆక్రమించబోతున్నాడని సమాచారమ్.