ఊహించినట్టుగానే ‘ఆర్ఆర్ఆర్’ మరోసారి వాయిదా పడింది. సినిమా షూటింగ్ దాదాపు పూర్తయినా.. దేశ వ్యాప్తంగా ఇంకా థియేటర్స్ పూర్తిస్థాయిలో తెరచుకోనందున వాయిదా వేస్తున్నట్టు చిత్రబృందం ప్రకటించింది. అయితే మరో నెల రోజుల్లో ఆర్ఆర్ఆర్ ఫస్ట్ కాపీ రెడీ అయిపోతుంది. రాజమౌళి-దానయ్య ఎప్పుడు కావాలంటే అప్పుడు రిలీజ్ చేసుకోవచ్చని అందురూ అనుకుంటున్నారు. వాస్తవానికి ఆర్ ఆర్ ఆర్ రిలీజ్ డేటు అన్నది ఇప్పుడు చేయిదాటిపోయింది.

ఇప్పుడు ఈ విషయం మేకర్స్ చేతిలో లేదు. పెన్ స్టుడియోస్ చేతిలో ఉంది. ఆర్ఆర్ఆర్ ను రాబోయే 4 నెలల్లో రిలీజ్ చేయాల్సిందేనంట. అగ్రిమెంట్ అలానే రాసుకున్నారని సమాచారం. అంతా సంతకాలు కూడా పెట్టారు. అడ్వాన్స్ పేమెంట్ కూడా చేతులు మారింది. అగ్రిమెంట్ లో చెప్పినట్టు చేయకపోతే..  ఆర్ఆర్ఆర్ మేకర్స్, రివర్స్ లో పెన్ స్టుడియోస్ కు పెనాల్టీ కట్టాల్సి ఉంటుంది.

అదే సమయంలో పెన్ స్టుడియోస్ సంస్థ కూడా, జీ గ్రూప్ కు సమాధానం చెప్పుకోవాల్సి ఉంటుంది. ఎందుకంటే, పెన్ స్టుడియోస్ నుంచి పెద్ద మొత్తంలో ఆర్ఆర్ఆర్ రైట్స్ ను దక్కించుకున్న సంస్థ జీ గ్రూప్ మాత్రమే. నెట్ ఫ్లిక్స్, స్టార్ మా కూడా కొన్ని రైట్స్ దక్కించుకున్నప్పటికీ మేజర్ స్టేక్ హోల్డర్ జీ గ్రూప్. సంక్రాంతి బరిలో ఉన్న సినిమా యూనిట్లతో సంప్రదింపులు చేస్తున్నప్పటికీ పవన్ కల్యాణ్ బెట్టు చేస్తున్నట్టు తెలుస్తోంది.