వెట‌ర‌న్ భామల వెలుగులు

కొంత‌మంది వెట‌ర‌న్ క‌థానాయిక‌లు తెలుగు తెర‌పై మ‌ళ్లీ క‌నిపించ‌బోతున్నారు. వాళ్లనే అవ‌కాశాలు వెదుక్కుంటూ వెళ్ల‌డం విశేషం. పెళ్ల‌య్యాక‌… క‌ల‌ర్ స్వాతి ఇక సినిమాల్లో న‌టించ‌దు అనుకున్నారు. కానీ.. ఇప్పుడు కార్తికేయ 2లో త‌ను న‌టిస్తోంది. ఈ సినిమాలో అనుప‌ర ప‌ర‌మేశ్వ‌ర‌న్ ప్ర‌ధాన నాయిక‌. ఇదీగాక.. కలర్ స్వాతికి ఓ వెబ్ సిరీస్ ఆఫ‌ర్ కూడా వ‌చ్చింద‌ట‌.

‘ఆవ‌కాయ్ బిర్యానీ’ హీరోయిన్ బిందు మాధ‌వి మ‌రోసారి ట‌చ్‌లోకి వ‌చ్చింది. ‘సినిమా బండి’ ఫేమ్ వికాస్ వ‌శిష్ట క‌థానాయ‌కుడిగా రూపొందే ఓ సినిమాలో ఆమె  హీరోయిన్‌ గా ఎంపికైంది. తెలుగమ్మాయి అంజ‌లి.. ఇప్పుడు ఓ భారీ ఆఫ‌ర్ ని ప‌ట్టేసింది. రామ్ చ‌ర‌ణ్-శంక‌ర్ కాంబినేష‌న్‌లో రూపొందించే సినిమాలో అంజ‌లిది కీల‌క పాత్ర‌.  హీరోయిన్ పూర్ణ అఖండ‌లో కీల‌క పాత్ర పోషిస్తోంది. ఇలా… వెట‌ర‌న్ ముద్ర ప‌డిపోయిన క‌థానాయిక‌ల‌కు ఇప్పుడు కొత్త‌గా అవ‌కాశాలు వ‌స్తున్నాయి.