చరణ్-కియారా వర్కౌట్స్.. వైరల్ !

బాలీవుడ్ హీరోయిన్ కియారా అద్వానీతో కలిసి మెగా పవర్ స్టార్ రామ్ చరణ్ చమటలు కక్కిస్తున్నారు. వీరిద్దరు కలిసి జిమ్ లో కసరత్తులు చేస్తున్నారు. ఇదంతా గ్రేట్ దర్శకుడు శంకర్ సినిమా కోసం. ఇప్పటికే పూజా కార్యక్రమాలు జరుపుకున్న ఈ చిత్రం.. త్వరలోనే సెట్స్ మీదకు వెళ్లనుంది. ఈ నేపథ్యంలో చరణ్, కియారా పని మొదలెట్టారు. జిమ్ లో కష్టపడుతున్నారు. సైజులు తగ్గించే పనిలో ఉన్నారు. వీరిద్దరు కలిసి వర్కౌట్స్ చేస్తున్న జిమ్ వీడియో సోషల్ మీడియాలో వైరల్ అవుతుంది. ఇందులో చరణ్ కాస్త అలసిపోయినట్టు కనిపించినా.. కియారా మాత్రం ఫుల్ ఎనర్జిజీతో వర్కవుట్స్ చేయడం చూడొచ్చు. 

ఈ సినిమా కోసం ‘విశ్వంభ‌ర‌` అనే టైటిల్ ప్రచారంలో ఉంది. సినిమా కాన్సెప్ట్ ఏంటీ అన్నది తెలియాల్సి ఉంది. సాధారణంగా శంకర్ సినిమాలు సామాజిక కోణంలో ఉంటాయి. చరణ్ సినిమాలోనూ అవి ఉంటాయి. ఈ సినిమాలో చ‌ర‌ణ్ ఓ క‌లెక్ట‌ర్ గా క‌నిపించ‌బోతున్నాడు. ఈ సినిమాతో శంక‌ర్ మ‌న భార‌తీయ చ‌ట్టాల‌పై అవ‌గాహ‌న క‌ల్పించ‌బోతున్నాడ‌ని తెలుస్తోంది. ఇండియన్ పీన‌ల్ కోడ్ లోని కొన్ని కీల‌క‌మైన విష‌యాల్ని…అర్థ‌మ‌య్యేలా చెప్ప‌బోతున్నాడ‌ట‌. కార్పొరేట్ వ్య‌వ‌స్థ‌లు భార‌తీయ చ‌ట్టాల్ని అడ్డు పెట్టుకుని ఎలా ఎదుగుతున్నాయి? సామాన్యులు ఎలా న‌ష్ట‌పోతున్నారు? ఇలాంటి సున్నిత‌మైన, విలువైన విష‌యాల్ని శంక‌ర్ ఇందులో చ‌ర్చించ‌బోతున్నాడ‌ని తెలుస్తోంది.