ఆకాశవాణి ట్రైలర్ వచ్చేసింది

కొత్త దర్శకుడు అశ్విన్ గంగరాజు దర్శకత్వంలో సముద్రఖని, వినయ్‌ వర్మ, తేజ కాకుమాను, ప్రశాంత్‌ ప్రధాన పాత్రల్లో నటించిన చిత్రం ‘అకాశవాణి’. ఈ చిత్రానికి సాయి మాధవ్ బుర్రా సంభాషణలు అందించారు. కాలభైరవ సంగీతం అందించారు. షూటింగ్ పూర్తి చేసుకున్న ఈ సినిమా ఈ నెల 24 నుంచి సోనీ లైవ్ లో స్ట్రీమింగ్ కానుంది.

తాజాగా ఈ సినిమా ట్రైలర్ ని డార్లింగ్ ప్రభాస్  విడుదల చేశారు.మనం బతికినా.. సచ్చినా.. తిన్నా.. తినకున్నా ఎవరివల్ల ? దేవుడి వల్ల.. దొర వల్లా.. అంటూ ట్రైలర్ మొదలైంది. అద్భుతమైన లోకెషన్స్, మట్టి వాసనతో ట్రైలర్ ఆసక్తిగా సాగింది. అడవికి సమీపంలోని ఓ గ్రామం, అందులోని ప్రజానీకం. వాల్లపై దొర పెత్తనం.. ఆకలి కేకలు.. తిరుగుబాటు నేపథ్యంలో.. ఆకాశవాణి తెరకెక్కినట్టు ట్రైలర్ ని చూస్తే అర్థవుతోంది.