‘కొండపొలం’ ట్రైలర్ చూశారా..!
క్రిష్ దర్శకత్వంలో వైష్ణవ్‌ తేజ్‌, రకుల్ ప్రీత్‌సింగ్‌ జంటగా నటిస్తోన్న చిత్రం ‘కొండపొలం’. సన్నపురెడ్డి వెంకటరామిరెడ్డి రాసిన ‘కొండపొలం’ నవల ఆధారంగా ఈ సినిమాని రూపొందిస్తున్నారు.అక్టోబరు 8న ప్రేక్షకుల ముందుకురానుంది. ఈ నేపథ్యంలో ట్రైలర్‌ని విడుదల చేశారు. అడవి నేపథ్యంలో సాగే సన్నివేశాలతో ట్రైలర్ ఆద్యంతం ఆసక్తిగా సాగింది. రవీంద్ర యాదవ్‌గా వైష్ణవ్‌ తేజ్‌, ఓబులమ్మగా రకుల్ ఆకట్టుకుంటున్నారు.
ఉద్యోగాన్వేషణలో భాగంగా వైష్టవ్‌ ఓ ఇంటర్వ్యూకి వెళ్తాడు. ‘గొర్రెల కాపరుల కుటుంబం, తల్లిదండ్రులకి చదువు లేదు. ఏ కోచింగ్ సెంటర్‌లో శిక్షణ తీసుకున్నారు?’ అంటూ ఇంటర్వ్యూ చేసే వారు అడగ్గా ‘అడవి సర్‌. నల్లమల అడవి’ అని వైష్ణవ్‌ సమాధానం ఇస్తాడు. కట్‌ చేస్తే అడవి నేపథ్యంలో సాగే సన్నివేశాలు అలరిస్తూనే ఉత్కంఠగా సాగాయి.గొర్రెల కాపరిగా, ఉన్నత విద్య అభ్యసించిన వ్యక్తిగా.. రెండు వైవిధ్య గెటప్పుల్లో వైష్ణవ్‌ ఒదిగిపోయాడు. నేపథ్య సంగీతం బాగుంది.
