అర్జున్ రెడ్డి దర్శకుడితో ప్రభాస్.. ఫిక్స్ !

బాహుబలి తర్వాత వరుసగా పాన్ ఇండియా సినిమాలు చేస్తున్నారు రెబల్ స్టార్ ప్రభాస్. ఆయన నటించిన రాధేశ్యామ్ రిలీజ్ కి రెడీగా ఉంది. సలార్, ఆదిపురుష్, నాగ్ అశ్విన్.. ఈ మూడు సినిమాలు వివిధ దశల్లో ఉన్నాయి.  తాజాగా మరో చిత్రాన్ని ప్రకటించేందుకు సిద్ధమయ్యారు. అది ప్రభాస్‌ 25వ చిత్రంగా రూపొందబోతోంది. ఈ నెల 7నే ఆ సినిమాని ప్రకటించనున్నారు. అర్జున్ రెడ్డి దర్శకుడు సందీప్‌రెడ్డి వంగా దర్శకత్వంలో ఈ సినిమా తెరకెక్కనున్నట్టు సమాచారం.

ఇందులో ఇదివరకెప్పుడూ కనిపించని ఓ కొత్త రకమైన పాత్రలో ప్రభాస్‌ కనిపించనున్నారట. అర్జున్ రెడ్డి తర్వాత తెలుగులో మరో సినిమా చేయలేదు సందీప్ వంగా. ఇదే చిత్రాన్ని బాలీవుడ్ లో కబీర్ సింగ్ గా తెరకెక్కించారు. అక్కడ బ్లాక్ బస్టర్ హిట్ అందుకున్నారు. ఆయన తదుపరి సినిమా బాలీవుడ్ స్టార్ రణ్ బీర్ కపూర్ తో ఉండనుంది. అది పూర్తయిన తర్వాత ప్రభాస్ తో జతకట్టనున్నారు.