పాటతో మొదలు

గ్రేట్ దర్శకుడు శంకర్ దర్శకత్వంలో రామ్ చరణ్ ఓ సినిమా చేస్తున్న సంగతి తెలిసిందే. కైరా అడ్వానీ కథానాయిక.  ఈ నెల 22న పుణెలో చిత్రీకరణ మొదలు పెట్టనున్నారు. ఇప్పటికే కొబ్బరికాయ కొట్టుకున్న ఈ చిత్రం తొలి షెడ్యూల్‌ 20 రోజులపాటు సాగనున్నట్టు తెలిసింది.

పాటతో చిత్రీకరణ మొదలవనుంది. ఆ విషయాన్ని కథానాయిక కియారా అడ్వాణీ స్వయంగా వెల్లడించారు. శంకర్‌ సినిమాల్లో పాటలకి ఉండే ప్రాధాన్యం అంతా ఇంతా కాదు.భారీ హంగులతో సెట్స్‌ని తీర్చిదిద్ది అందులో చిత్రీకరణ చేస్తుంటారు. ఇందులోని పాటల్నీ అదే తరహాలో తెరకెక్కించనున్నట్టు తెలుస్తోంది. ఈ చిత్రానికి థమన్ సంగీతం అందిస్తున్నారు. దిల్‌రాజు నిర్మిస్తున్నారు.