దిల్ రాజుపై ‘పుష్ప’ నమ్మకం

రాజకీయాల్లోనే కాదు సినిమా రంగంలో కూడా శాశ్వత శతృవులు, మిత్రులు వుండరు. ఇక్కడ బిజినెస్ నే ముఖ్యం. మంచి బిజినెస్ జరుగుతుంది. సినిమాకు మంచి జరుగుతుందంటే విభేదాలు పక్కకు పెట్టేస్తారు. ఏస్ డిస్ట్రిబ్యూటర్ కమ్ ఎగ్జిబిటర్ దిల్ రాజు కు, టాప్ ప్రొడక్షన్ హవుస్ మైత్రీ మూవీస్ కు కొన్నాళ్ల క్రితం దూరం పెరిగింది అని వార్తలు వచ్చాయి.ఉప్పెన నే లాస్ట్ సినిమా ఇకపై దిల్ రాజుకు మైత్రీ మూవీస్ సినిమాలు డిస్ట్రిబ్యూషన్ వుండదు అని పక్కాగా వినిపించింది. కానీ ఇప్పుడు మళ్లీ టేబుల్ టర్న్ అయింది. పుష్ప సినిమా డిస్కషన్లు దిల్ రాజుతో షురూ అయ్యాయి.

నైజాం ఏరియాకు 45 కోట్ల మేరకు తమకు ఆఫర్ వుందని, కానీ కాస్త తగ్గించి అయినా మీకే ఇవ్వాలనుకుంటున్నామని దిల్ రాజుకు మైత్రీ మూవీస్ నుంచి ఆఫర్ వచ్చినట్లు తెలుస్తోంది. దిల్ రాజుపైనే పుష్ప నమ్మకం పెట్టుకున్నట్టు కనిపిస్తున్నది. నైజాం అత్యధిక థియేటర్స్ దిల్ రాజుకు చెందినవే. ఆయన్ని కాదని సినిమా రిలీజ్ చేస్తే.. ఆశించినంత బిజినెస్ ఉండదు. పైగా బన్నీతో దిల్ రాజుకు మంచి అనుబంధం ఉంది. అందుకే ఆయన మాటతో దిల్ రాజు పుష్ప ని డిస్ట్రిబ్యూట్ చేసే బాధ్యతలని తీసుకొనే ఛాన్స్ కనిపిస్తున్నది.