తమన్నా.. మెగా మాస్ !

మిల్కీ బ్యూటీ తమన్నా ఇటు క్లాస్, అటు మాస్ ప్రేక్షకులని మెప్పించగలదు. మాస్ మసాల ఐటమ్ సాంగ్స్ తో అదరగొట్టలదు. డ్యాన్సుల్లో ఇరగదీయగలడు. అందుకే ఆమెపై మెగాస్టార్ చిరంజీవి అంతటోడు మనసు పట్టాడు. తమన్నాతో కలిసి సినిమా చేయాలని ఉంది. మస్త్ మస్త్ మాస్ స్టేప్పులు వేయాలని ఉందని గతంలో ఓ సినిమా ఫంక్షన్ వేదికగా చిరు చెప్పిన సంగతి తెలిసిందే. ఇప్పుడు తన సినిమా కోసం ఏరికోరి తమ్మూని తీసుకున్నాడు మెగాస్టార్.

చిరంజీవి హీరోగా మెహర్‌ రమేశ్‌ ‘భోళా శంకర్‌’ తెరకెక్కిస్తున్న సంగతి తెలిసిందే. ఈ సినిమాలో చిరంజీవి సరసన తమన్నా కి అవకాశం వచ్చింది. తాజాగా ఈ విషయాన్ని ట్విట్టర్ వేదికగా అధికారికంగా ప్రకటించింది తమన్నా. ‘ఈ మెగా మాస్‌““ చిత్రంలో భాగస్వామిని కావడం ఆనందంగా ఉంది. చిరంజీవి సర్‌తో మరోసారి వెండితెరను పంచుకునేందుకు ఎదురుచూస్తున్నా’ అని ట్వీట్ చేసింది. ఇందులో చిరు-తమ్మూ కలిసి వేసే స్టెప్పులు మాస్ కి కిక్కునిచ్చేలా ఉంటాయట.