బాలీవుడ్ బిగ్ బ్యానర్లలో సామ్.. వరుసగా 3 సినిమాలు !
సమంత దూకుడు పెంచింది. నాగచైతన్య నుంచి విడిపోయిన తర్వాత పూర్తిగా కెరీర్ పై దృష్టిపెట్టింది. రీసెంట్ గా ఓ ఇంటర్నేషనల్ ప్రాజెక్టుకు గ్రీన్ సిగ్నల్ ఇచ్చింది. ఇప్పుడు ఇదే ఊపులో బాలీవుడ్ పై దృష్టి పెట్టింది సమంత. బాలీవుడ్ బిగ్ బ్యానర్లలో ఒకటైన యష్ రాజ్ ఫిలిమ్స్ తో చర్చలు జరుపుతోంది సామ్.
ఒకేసారి 2 లేదా 3 సినిమాలకు యష్ రాజ్ తో ఒప్పందం కుదుర్చుకునే ఆలోచనలో ఉంది. ప్రస్తుతానికైతే టాక్స్ నడుస్తున్నాయి. డీల్ సెట్ అయ్యే అవకాశాలే ఎక్కువగా ఉన్నాయి. కత్రినాకైఫ్, అనుష్క శర్మ, కరీనా కపూర్ లాంటి ఎంతోమంది హీరోయిన్లు యష్ రాజ్ సినిమాలతోనే పాపులర్ అయ్యారు.బాలీవుడ్ లో రాణించాలనుకుంటున్న సామ్ కూడా అదే దారిలో వెళ్తోంది.
అయితే యష్ రాజ్ ఫిలిమ్స్ కాంట్రాక్ట్ అంటే మామూలుగా ఉండదు. దాదాపు 3-4 ఏళ్ల పాటు లాక్ అయిపోయినట్టే. ఫ్యామిలీ మేన్ సీజన్-2తో సామ్ కు బాలీవుడ్ లో క్రేజ్ వచ్చింది. దాంతో చాలా ఆఫర్లు వస్తున్నాయి. అయితే యశ్ రాజ్ ఫిల్మ్స్ లాంటి బిగ్ బ్యానర్ లో సినిమాలు చేస్తే.. త్వరగా స్టార్ హోదా పొందవచ్చనే ఆలోచనలో సామ్ ఉన్నట్టు తెలుస్తున్నది.
