శిల్పా చౌద‌రి బాధితుల లిస్టులో.. టాలీవుడ్ అగ్ర హీరో !
టాలీవుడ్ లో శిల్పా చౌద‌రి వ‌ల్ల మోసపోయిన వాళ్ల జాబితా పెరుగుతోంది. తాజాగా మరో హీరో కూడా చేరాడు. త‌నే.. హ‌ర్ష్ కానుమ‌ల్లి. ఈ సినిమాకి శిల్పా చౌద‌రి నిర్మాత. అయితే త‌ను ఒక్క పైసా కూడా పెట్ట‌లేదు. వెనుక నుంచి ఓ పేరున్న రాజ‌కీయ నాయ‌కుడు పెట్టుబ‌డి పెడితే.. శిల్పా బినామీగా వ్య‌వ‌హ‌రించింది.
ఈ సినిమాతో హ‌ర్ష్ తో స్నేహం చేసుకుంది. స్థ‌లాల పేరు చెప్పి కొంత, అప్పుగా కొంత ఇలా… రూ.3 కోట్ల వ‌ర‌కూ ముంచేసింది. ఇప్పుడు ఆ మూడు కోట్లూ గ‌ట్లంతైన‌ట్టే. శిల్పా చేతిలో మోసపోయిన వారిలో ఓ టాలీవుడ్ అగ్ర హీరో కూడా ఉన్నాడ‌ని టాక్‌. ఆయ‌న, శిల్పా క‌లిసి ఉన్న కొన్ని ఫొటోలు సోష‌ల్ మీడియాలో వైర‌ల్ అవుతున్నాయి.
శిల్పా చేతిలో మోసపోయిన వారు మీడియా ముందుకు రావడానికి ఇష్టపడటం లేదు. తెర వెనుక నుంచే త‌మ డ‌బ్బుల్ని వెన‌క్కి రాబ‌ట్టుకోవ‌డానికి ప్ర‌య‌త్నాలు ముమ్మరం చేశార‌న్న‌ది ఇన్ సైడ్ వ‌ర్గాల టాక్‌. హీరో సుధీర్ బాబు భార్య ప్రియదర్శిని శిల్పాశెట్టిపై పోలీస్ స్టేషన్ లో ఫిర్యాదు చేసిన సంగతి తెలిసిందే. రూ. 2 కోట్ల 90 లక్షలు తీసుకొని మోసం చేశారని కేసు పెట్టింది. దీంతో శిల్పాశెట్టిని లీలలు ఒక్కొక్కటిగా బయటికి వస్తున్నాయి. పోలీసులు శిల్పాశెట్టి, ఆమె భర్తను కూడా అరెస్ట్ చేశారు. అయితే శిల్ప భర్త శ్రీనివాస్ కు షరతులతో కూడిన బెయిల్ మంజూరు చేసిన కోర్టు. శిల్పను రెండు రోజుల పోలీసు కస్టడీ కి అనుమతి ఇచ్చింది.
