ఆర్ఆర్ఆర్.. మళ్లీ డౌట్ ?

దర్శక వీరుడు రాజమౌళి దర్శకత్వంలో రానున్న చిత్రం ఆర్ఆర్ఆర్ (రౌద్రం రుధిరం రణం). ఈ సినిమాలో  రామ్ చరణ్, ఎన్టీఆర్ , అలియా భట్, ఒలివియా మోరిస్ హీరో, హీరోయిన్లుగా  నటించగా,  బాలీవుడ్ నటుడు అజయ్ దేవగణ్ ఓ కీలకపాత్ర పోషిస్తున్నారు.  ఇటీవలే ఈ చిత్రం గ్లింప్స్ కూడా విడుదల కాగా, సోషల్ మీడియాలో విశేషమైన స్పందన లభించింది.

కరోనా కారణంగా ఈ చిత్రం చాలా సార్లు వాయిదా పడింది.  ప్రస్తుతం ఒమిక్రాన్ వేరియంట్ వ్యాప్తి నేపథ్యంలో అనేక చిత్రాల విడుదలపై అస్పష్టత నెలకొంది. ఆర్ఆర్ఆర్ చిత్రం 2022 జనవరి 7న ప్రేక్షకుల ముందుకు రానుందని సినీ వర్గాల సమాచారం. ఇప్పుడైనా ఈ చిత్రం విడుదల అవుతుందో, ఎప్పటిలాగనే వాయిదా పడుతుందో చూడాలి మరి.