రోహిత్ కు ప్రమోషన్

టెస్ట్ జట్టులో హిట్ మ్యాన్ రోహిత్ శర్మ కు ప్రమోషన్ లభించింది. దక్షిణాఫ్రికా టెస్ట్ సిరీస్ కు ఆయన్ని వైస్ కెప్టెన్ గా నియమించారు. దక్షిణాఫ్రికా పర్యటనకు వెళ్లే భారత టెస్టు జట్టును బీసీసీఐ ప్రకటించింది. ఐసీసీ టెస్టు ఛాంపియన్‌షిప్‌లో భాగంగా డిసెంబర్‌ 26 నుంచి దక్షిణాఫ్రికాతో మూడు టెస్టులను ఆడనుంది.

కెప్టెన్‌గా విరాట్‌ కోహ్లీని నియమించిన బీసీసీఐ.. రోహిత్‌ శర్మకు ప్రమోషన్‌ కల్పించి వైస్‌ కెప్టెన్‌గా ఎంపిక చేసింది. టెస్టుల్లో ఉప సారథ్య బాధ్యతల నుంచి తప్పించిన అజింక్య రహానెతోపాటు సీనియర్‌ బ్యాటర్‌ ఛెతేశ్వర్‌ పుజారాకు మరోసారి అవకాశం కల్పించింది. దక్షిణాఫ్రికాలో భారత్‌ -ఏ జట్టుతో పర్యటిస్తున్న హనుమ విహారికి జట్టులో స్థానం లభించింది.

భారత్‌ జట్టు :

విరాట్‌ కోహ్లీ (కెప్టెన్‌), రోహిత్ శర్మ (వైస్ కెప్టెన్‌), కేఎల్ రాహుల్, మయాంక్‌ అగర్వాల్, ఛెతేశ్వర్‌ పుజారా, అజింక్య రహానె, శ్రేయస్‌ అయ్యర్, హనుమ విహారి, రిషభ్‌ పంత్ (వికెట్ కీపర్‌), వృద్ధిమాన్‌ సాహా (వికెట్ కీపర్), ఆర్. అశ్విన్, జయంత్‌ యాదవ్‌, ఇషాంత్ శర్మ, మహమ్మద్‌ సిరాజ్, ఉమేశ్‌ యాదవ్‌, బుమ్రా, శార్దూల్‌ ఠాకూర్, షమీ

స్టాండ్‌బై ఆటగాళ్లు : నవ్‌దీప్‌ సైని, సౌరభ్ కుమార్, దీపక్‌ చాహర్, అర్జాన్‌ నాగ్వాస్వాల్లా