బుల్లితెరపై బాలయ్య హవా.. బిగ్ బాస్ హోస్ట్ గా ఖరారు !
బుల్లితెరపై బాలయ్య హవా.. బిగ్ బాస్ హోస్ట్ గా ఖరారు !
బిగ్ బాస్ సీజన్-05 ముగిసిందని అభిమానులు మర్చిపోకముందే, ఇప్పుడు బిగ్ బాగ్ సీజన్-6 గురించి సినీ వర్గాలు పలురకాల సమాచారలను అందిస్తున్నారు.
ఐదవ సీజన్ ఫినాలే స్టేజ్ మీద నుండే హోస్ట్ నాగార్జున ఆరవ సీజన్ మీద ఆసక్తి మొదలయ్యేలా చేశాడు. . మరో రెండు నెలల్లోనే ఆరవ సీజన్ మొదలవుతుందని చెప్పి ఆశ్చర్య పరిచాడు. ఎందుకంటే ఇంతకు ముందు ఐదు సీజన్లు దాదాపుగా ఏడాది తేడాతోనే మొదలవగా.. ఇప్పుడు ఆరవ సీజన్ రెండు నెలల గ్యాప్ లోనే మొదలు పెట్టనున్నట్లుగా ప్రకటించడం హాట్ టాపిక్ గా మారింది.
ఇప్పటి వరకు తొలి రెండు సీజన్లు ఎన్టీఆర్, నానీ చేస్తే మూడు నుండి ఐదవ సీజన్ వరకు నాగ్ చేశాడు. ఇక బాలీవుడ్ లో కూడా బిగ్ బాస్ మెయిన్ షోతో పాటు ఓటీటీ తొలి సీజన్ మొదలు పెట్టారు. దీంతో ఇక్కడ కూడా ఓటీటీ సీజన్ మొదలవుతుందని మెయిన్ ఆరవ సీజన్ మాత్రం వచ్చే ఏడాది సమ్మర్ తర్వాత ఉంటుందని చెప్పుకుంటున్నారు. రెండు నెలలో మొదలయ్యేది ఏ సీజన్ అన్నది ప్రస్తుతానికి ఓ ప్రచారం మాత్రమే కాగా.. రెండు నెలల్లో మొదలయ్యేది ఆరవ సీజనా లేక ఓటీటీ సీజనా.. హోస్ట్ నాగార్జునే చేస్తారా… అయితే, ఈసారి హోస్ట్ మార్చాలని నిర్వాహకులు భావిస్తుండగా బాలయ్య అయితే షోకు కొత్త రూపం వస్తుందంటున్నారు. ఆహాలో అన్ స్టాపబుల్ షో ఇచ్చిన బూస్టప్ తో బాలయ్య ఈసారి బిగ్ బాస్ హోస్ట్ గా అదరగొడతాడంటు సినీ వర్గాల సమాచారం.
