యానీ మాస్టర్ కు మెగా ఆఫర్

 బిగ్‌బాస్‌  సీజన్‌-5 లో ఒక కంటెస్టెంట్‌ అయిన  కొరియోగ్రాఫర్‌  యానీ మాస్టర్‌.  11 వారాల పాటు బిగ్ బాహౌస్ హౌస్ లో ఉన్నన్ని రోజులు మాత్రం తన కంటూ ఒక మార్క్‌ ఉండేలా చూసుకున్నారు. ఇప్పటి వరకు గడిచిన అన్ని సీజన్‌లలో పాల్గొన్న వారు సినిమా ఆఫర్లతో పాటు సోషల్‌ మీడియాలోనూ విపరీతంగా క్రేజ్‌ను సొంతం చేసుకుంటున్నారు. ఈ క్రమంలో ఇప్పటికే చాలా మంది సినిమా అవకాశాలను సైతం సొంతం చేసుకున్నారు. అంతకు ముందు వెండి తెరపై కనిపించని వారు కూడా సినిమా చాన్స్‌లను కొట్టేశారు.

 తాజాగా యానీ మాస్టర్‌ సినిమా ఆఫర్‌ను కొట్టేసినట్లు స్వయంగా తెలిపారు. ఈ విషయమై ఇన్‌స్టాగ్రామ్‌ స్టోరీస్‌లో పోస్ట్‌ చేశారు. చిరంజీవి హీరోగా తెరకెక్కుతోన్న భోళా శంకర్‌ చిత్రంలో యానీ మాస్టర్‌ నటించనున్నట్లు తెలిపారు. చిరంజీవి, వెన్నెల కిషోర్‌ల పక్కనే తాను ఉంటానంటూ హింట్‌ ఇచ్చేశారు యానీ మాస్టర్‌. తనకు ఈ అవకాశం ఇచ్చినందుకు గాను దర్శకుడు మెహర్‌ రమేశ్‌కు కృతజ్ఞతలు తెలిపారు. ఇదిలా ఉంటే ఈ సినిమాలో యానీ మాస్టర్‌ కేవలం నటనకే పరిమితం కాకుండా.. కొరియోగ్రాఫర్‌గా కూడా వ్యవహరించనున్నట్లు తెలిపారు. మరి ఈ సినిమా యానీ మాస్టర్‌ కెరీర్‌ను ఎలాంటి మలుపు తిప్పుతుందో చూడాలి.