రాధేశ్యామ్ ప్రీ రిలీజ్ : సిటీలో ఆగమాగం.. భారీగా ట్రాఫిక్ జామ్

పాన్ ఇండియా స్టార్ ప్రభాస్ లెటెస్ట్ చిత్రం ‘రాధేశ్యామ్’. సంక్రాంతి కానుక ప్రేక్షకుల ముందుకు రానుంది. ఈ నేపథ్యంలో సినిమా ప్రమోషన్స్ వేగం పెంచింది చిత్రబృందం. ప్రస్తుతం హైదరాబాద్ లోని రామోజీఫిల్మ్ సిటీలో రాధేశ్యామ్ ప్రీ రిలీజ్ ఫంక్షన్ జరుగుతోంది. చాలా గ్యాప్ తర్వాత ప్రభాస్ అభిమానుల ముందుకు వస్తుండటంతో.. భారీ సంఖ్యలో తరలివస్తున్నారు. ఈ దాటికి భారీగా రామోజీ ఫిల్మ్ సిటీకి వెళ్తున్న అన్నీ దారుల్లో భారీగా ట్రాఫిక్ జామ్ అయింది. మరోవైపు అభిమానులు కాలినడకన అభిమానులు వేదిక వద్దకు చేరుకుంటున్నారు. 

 సాహో తర్వాత ప్రభాస్ నుంచి వస్తున్న చిత్రమిది. దాదాపు మూడు సంవత్సరాలుగా ‘రాధే శ్యామ్’ సినిమా కోసం ప్రభాస్ పనిచేశారు. కరోనా విజృంభణతో పలుమార్లు వాయిదా పడింది. ఎట్టకేలకు సినిమా రిలీజ్‌కి రెడీ అయిపోయింది. సంక్రాంతి కానుకగా 2022 జనవరి 14న ‘రాధే శ్యామ్’ ప్రంపంచ వ్యాప్తంగా అత్యంత భారీ స్థాయిలో విడుదల కాబోతోంది. రాధాకృష్ణ దర్శకత్వంలో ఈ సినిమా తెరకెక్కింది. ప్రభాస్ కి జంటగా పూజాహెగ్డే నటించింది.