రాధేశ్యామ్ ట్రైలర్ రన్ టైమ్ ఎంతో తెలుసా ?
ప్రభాస్ హీరోగా రాధాకృష్ణ దర్శకత్వంలో తెరకెక్కిన “రాధే శ్యామ్” సంక్రాంతి కానుకగా ప్రేక్షకుల ముందుకు రానుంది. ఈ నేపథ్యంలో సినిమా ప్రమోషన్స్ లో వేగం పెంచింది చిత్రబృందం. ఈ సాయంత్రం హైదరాబాద్ రామోజీఫిల్మ్ సిటీలో రాధేశ్యామ్ ప్రీ రిలీజ్ ఫంక్షన్ జరగనుంది.
ఈ సందర్భంగా ట్రైలర్ ని రిలీజ్ చేయనున్నారు. తాజాగా ట్రైలర్ రన్ టైమ్ కి సంబంధించిన అప్ డేటుని ఇచ్చింది చిత్రబృందం. ఈ ట్రైలర్ నిడివి 3 నిమిషాల 3 సెకన్లు. విజువల్స్ హైలైట్ గా ట్రైలర్ ఉండబోతుందట.
ఇక రాధేశ్యామ్ ప్రీ రిలీజ్ ఫంక్షన్ కు జాతిరత్నం నవీన్ పొలిశెట్టి హోస్ట్ గా వ్యవహరించనున్నారు. ఈవెంట్ మొత్తం కొత్తగా డిజైన్ చేశారట. ఇక సంక్రాంతి కానుకగా రెండు పాన్ ఇండియా సినిమాలు ఆర్ ఆర్ ఆర్, రాధేశ్యామ్ పోటీ పడనున్నాయ్. ఈ రెండు డిఫరెంట్ జోనర్ కు సంబంధించిన సినిమాలు కావడంతో.. ప్రేక్షకులకు రెండు మంచి ఆప్షన్ గా కానున్నాయి.
