ఆర్ఆర్ఆర్ ప్రీసేల్ రికార్డ్

బాహుబలి ఇండియన్‌ సినిమాను ప్రపంచస్థాయికి తీసుకుపోయిన రాజమౌళి.. తన టాలెంట్ తో  ఆర్‌ఆర్‌ఆర్‌ లో ఇంకెన్ని అద్భుతాలు చూపిస్తాడోనని వేచి చూడాల్సిందే.  ఈ సినిమాలో ఎన్టీఆర్‌ కొమురం భీమ్‌ పాత్రలో కనిపిస్తుండగా, రామ్‌ చరణ్‌ అల్లూరిగా అలరించనున్నారు. ఈ చిత్రం జనవరి 7 న విడుదల కానుంది.

ఈ నేపథ్యంలో  సినిమా విడుదల కంటే ముందే ఆర్‌.ఆర్‌.ఆర్‌ రికార్డులను తిరగరాయడం ప్రారంభించింది. ప్రీ బుకింగ్స్‌తో అమెరికాలో బాక్సాఫీస్‌ను షేక్‌ చేస్తోందీ చిత్రం. ఇప్పటి వరకు ప్రీసేల్స్‌ ఏకంగా 9 లక్షల మార్కు రికార్డుని బ్రేక్‌ చేసింది. అమెరికాలోని సీని మార్క్‌లో 5 లక్షల డార్లు, రీగల్‌లో లక్షన్నర డాలర్లు, ఇమాజిన్‌లో 3 లక్షల డాలర్ల వసూళ్లను సాధించి అరుదైన రికార్డును సొంతం చేసుకుందీ సినిమా. అడ్వాన్స్‌ బుకింగ్స్‌లో అమెరికాలో ఇది సరికొత్త రికార్డు. సినిమా విడుదలకు ఇంకా 15 రోజుల సమయం ఉన్న నేపథ్యంలో అడ్వాన్స్‌ బుకింగ్స్‌ మరింతగా పెరిగే అవకాశాలు ఉన్నట్లు ఇండస్ట్రీ వర్గాలు చెబుతున్నాయి.