టాలీవుడ్ స్టార్స్ అంతా పాన్ ఇండియా స్టార్స్ గా మారుతున్నారు. ఇప్పటికే పాన్ ఇండియా స్టార్స్ గా ప్రభాస్ రాణిస్తున్నారు. వరుసగా పాన్ ఇండియా సినిమాలను లైన్ లో పెట్టారు. ఇక ‘పుష్ప’తో ఐకాన్ స్టార్ అల్లు అర్జున్ పాన్ ఇండియా క్రేజ్ సొంతం చేసుకున్నాడు. ‘ఆర్ఆర్ఆర్’తో ఎన్టీఆర్, రామ్ చరణ్, లైగర్ తో విజయ్ దేవరకొండ పాన్ ఇండియా స్టార్స్ గా ప్రమోషన్ కొట్టేయనున్నారు. ఈ క్రమంలో టాలీవుడ్ సూపర్ స్టార్ మహేష్ బాబు కూడా పాన్ ఇండియా సినిమాతో ప్రేక్షకుల ముందుకు వచ్చేందుకు రెడీ అవుతున్నారు.

ప్రస్తుతం ‘సర్కారు వారి పాట’ సినిమాతో మహేష్ బిజీగా ఉన్నారు. సంక్రాంతి కానుకగా ప్రేక్షకుల ముందుకు రావాల్సిన ఈ సినిమా సమ్మర్ కి వాయిదా పడిన సంగతి తెలిసిందే. ఈ సినిమా తర్వాత త్రివిక్రమ్ దర్శకత్వంలో మహేష్ సినిమా ఉండనుంది. ఈ సినిమా చర్చలు ఇటీవలే దుబాయ్ లో జరిగాయి. మోకాలి ఆపరేషన్ తర్వాత దుబాయ్ లో విశ్రాంతి తీసుకుంటున్న మహేష్ ను కలవడానికి త్రివిక్రమ్-థమన్ దుబాయ్ వెళ్లారు. ఆయన పరామర్శించారు. పనిలో పనిగా సినిమా డిస్కషన్స్ కూడా జరిగాయి. పాన్ ఇండియా సినిమాగా త్రివిక్రమ్ స్కిప్ట్ ని రెడీ చేసినట్టు తెలిసిందే. అంతేకాదు.. దానికి తగ్గట్టుగానే నటీనటుల ఎంపిక కూడా జరుగుతుందట. 

ఈ సినిమాలో విలన్ పాత్ర కోసం బాలీవుడ్ స్టార్ నటుడు సంజయ్ దత్ ని తీసుకున్నట్టు తెలుస్తోంది. సీనియర్ హీరోయిన్ శిల్పా శెట్టి మరో కీలక పాత్రలో కనిపించనుందట. ఇక హీరోయిన్ గా టాలీవుడ్, బాలీవుడ్ ప్రేక్షకులకు బాగా తెలిసిన పూజా హెగ్డే ని తీసుకున్నట్టు తెలుస్తోంది. అతి త్వరలోనే మహేష్-త్రివిక్రమ్ పాన్ ఇండియా సినిమాపై పూర్తి అప్ డేట్స్ రానున్నాయి. గతంలో వీరి కాంబోలో వచ్చిన అతడు, ఖలేజీ సూపర్ హిట్ అయ్యాయి. ఈ నేపథ్యంలో వీరి హ్యాట్రిక్ సినిమాపై ప్రేక్షకుల్లో భారీ అంచనాలు ఉన్నాయి. 

#SSMB28 Bollywood Actor Sanjay Dutt As Villain Considering & Shilpa Shetty Important Role#MaheshBabu #SSMB29 #NamrataShirodkar #PoojaHegde #Poojahegdehot pic.twitter.com/SVCIsBjyp4— OTTRelease (@ott_release) December 28, 2021