మహేష్ కు కరోనా… తట్టుకోలేకపోతున్న టాలీవుడ్ !

మిత్రుడు ఎవరో.. శత్రువు ఎవడో ఆపద సమయాన్ని తెలుస్తుంది అంటారు. ఇప్పుడు టాలీవుడ్ సూపర్ స్టార్ మహేష్ బాబు కరోనా బారినపడితే.. టాలీవుడ్ తల్లడిల్లిపోతుంది. మహేష్  కరోనా సోకిందన్న వార్త అందరినీ షాక్ కి గురిచేసింది.

ఈ వార్త తెలిసిన వెంటనే సోషల్ మీడియా షేకైంది. ఒక్కసారిగా ట్విట్టర్ లో మహేష్ త్వరగా కోలుకోవాలంటూ విషెస్ తెలియజేస్తూ…సందేశాలు పోటెత్తాయి. గురువారం రాత్రి తొమ్మిది గంటల సమయంలో మహేష్ తనకి కరోనా సోకిందని ట్వీట్ చేశారు.

అన్ని జాగ్రత్తలు తీసుకున్నప్పటికీ స్వల్ప లక్షణాలతో కరోనా పాజిటివ్ గా నిర్ధారణ అయ్యింది. ఇంట్లో క్వారంటైన్ కావడంతో పాటు వైద్యుల పర్యవేక్షణలో చికిత్స తీసుకుంటున్నాను. నన్ను కలిసిన వారందరూ కోవిడ్ పరీక్షలు చేయించుకోవాలని విజ్ఞప్తి చేస్తున్నాను. అలాగే అందరూ వ్యాక్సిన్ తప్పక తీసుకోండి. దాని వలన కోవిడ్ సోకినప్పటికీ రిస్క్ లేకుండా బయటపడవచ్చు… అంటూ మేసేజ్ కూడా ఇచ్చారు.

మరోవైపు త్వరగా కోలుకోవాలని సినీ ప్రముఖులు సోషల్ మీడియా వేదికగా ఆకాంక్షించారు. జూనియర్ ఎన్టీఆర్ మహేష్ ట్వీట్ కి కామెంట్ చేశారు. ఎన్టీఆర్ తన ట్వీట్ లో త్వరగా కోలుకో అన్నా.. నీ ఆరోగ్యం కోసం దేవుని ప్రార్థిస్తున్నాను… అంటూ కామెంట్ చేశారు. మహేష్ ఆరోగ్యంపై ఎన్టీఆర్ స్పందించిన తీరుకు ఇద్దరు హీరోల ఫ్యాన్స్ ఆనందం వ్యక్తం చేస్తున్నారు. ఇండస్ట్రీ అందరితోనూ మహేష్ కి మంచి సంబంధాలు ఉన్నాయి. తారక్, చరణ్, ప్రభాస్ లకు మంచి స్నేహితుడు. అందుకే ఆయనకి కరోనా అంటే.. అందరి హీరోల అభిమానులు తట్టుకోలేకపోతున్నారు. ప్రిన్స్ త్వరగా కోలుకోవాలని దేవుడ్ని ప్రార్థిస్తున్నారు. 

ప్రస్తుతం మహేష్ సర్కారు వారి పాట తో బిజీగా ఉన్నారు. ఈ చిత్రానికి పరశురామ్ దర్శకుడు. కీర్తి సురేష్ హీరోయిన్ గా నటిస్తున్నారు. థమన్ సంగీతం. సంక్రాంతి కానుకగా రావాల్సిన సర్కారు వారి పాట ఏప్రిల్ కి వాయిదా పడిన సంగతి తెలిసిందే. అయితే ఏప్రిల్ లో కూడా సర్కారు వారి పాట రావడం కష్టమేననే ప్రచారం జరుగుతున్నది. 

Get well soon Anna. Sending you strength and prayers.— Jr NTR (@tarak9999) January 6, 2022