లతా మంగేష్కర్‌కు కరోనా.. హాస్పటల్ లో చేరిక
ప్రముఖ గాయని లతా మంగేష్కర్‌కు కరోనా సోకింది. ప్రస్తుతం ఐసీయూలో ఉంచి చికిత్స అందిస్తున్నారు. ఆమెకు కరోనా పాజిటివ్‌గా నిర్ధారణ అయినట్లు ఆమె సమీప బంధువు రచ్నా మీడియాకు వెల్లడించారు.
‘లతా ఆరోగ్యంగానే ఉన్నారు. ఆమె వయస్సు (92) దృష్టిలో ఉంచుకొని ముందు జాగ్రత్తగా ఐసీయూలో ఉంచి చికిత్స అందిస్తున్నారు. మా గోప్యతను గౌరవించండి. ఆమె కోసం ప్రార్థించండి’ అని రచ్నా కోరారు. మరోవైపు లతా మంగేష్కర్‌కు కరోనా సోకిందని తెలిసి సినీ ప్రముఖులు, ఆమె అభిమానులు ఆందోళన చెందుతున్నారు. ఆమె త్వరగా కోలుకోవాలని ఆకాంక్షిస్తున్నారు. దేవుడిని ప్రార్థిస్తున్నారు.
