‘రౌడీ బాయ్స్‌’లో బూతు ఎక్కువే.. !

దిల్ రాజు బ్యాన‌ర్ నుంచి ‘రౌడీ బాయ్స్‌’ సినిమా వ‌స్తోంది. సంక్రాంతి కానుకగా ఈనెల 14న ఈ సినిమా విడుద‌ల అవుతోంది. ఇదో యూత్ ఫుల్ సినిమా అని, 15 ఏళ్ల నుంచి 25 ఏళ్ల‌లోపు యువ‌త‌కు ఈ సినిమా పిచ్చ పిచ్చ‌గా న‌చ్చేస్తుంద‌ని, త‌న‌ది గ్యారెంటీ అని దిల్ రాజు బ‌ల్ల‌గుద్ది మరీ.. చెప్పారు. అంతే కాదు..’మా సినిమాల‌న్నీ ప‌ద్ద‌తిగా ఉంటాయి. అయితే సెన్సార్ వాళ్లు ఈ సినిమా చూసి ‘ఇది మీ సినిమానేనా ‘ అని అడిగారు. ఈ సినిమా కోసం తొలిసారి స‌రిహ‌ద్దు దాటాల్సివ‌చ్చింది. అది కూడా మా అబ్బాయి ఆశిష్ కోసం” అని అన్నారు.

స్వ‌యంగా దిల్ రాజునే ఈ మాట చెప్పాడంటే… ‘రౌడీ బాయ్స్‌’లో హాట్ హాట్ అంశాలెన్ని ఉంటాయో అర్థం చేసుకోవ‌చ్చు. ట్రైల‌ర్‌లో ఓ లిప్ లాక్ సీన్ క‌నిపించింది. ముద్దుగుమ్మ అనుపమ పరమేశ్వరన్ పెదాలను హీరో జుర్రేశాడు. అయితే అది మ‌చ్చుక్కి మాత్ర‌మే అని… ఈ సినిమాలో బోల్డ్ సీన్లు, బీప్ డైలాగులు చాలా ఉన్నాయని ఇన్ సైడ్ వ‌ర్గాల టాక్‌. ట్రైలర్ లో కనిపించిన ఒక్క లిప్ లాక్ తో అనుపమ సంతృప్తి పడలేదు. సినిమాలో ఇలాంటివి చాలానే ఉన్నాయని టాక్.