బాలీవుడ్ స్టార్ హీరోను అరెస్ట్ చేయించిన సమంత

బాలీవుడ్ స్టార్ హీరో అక్షయ్ కుమార్ ను సమంత అరెస్ట్ చేయించింది. అలాగని ఇది రియల్ కాదు. రీల్ యాడ్. వీరిద్దరు కలిసి కుర్ కురే యాడ్ లో నటించారు. ఈ యాడ్ లో అక్షయ్ కుమార్ అర్ధరాత్రి సమంత ఇంటికి దొంగతనానికి వస్తాడు. అక్కడ కుర్ కురే ప్యాకెట్ చూసి దాన్ని విప్పబోతాడు.

ఆ సౌండ్ కి సమంత ఫ్యామిలీ మొత్తం వచ్చేస్తుంది. అక్షయ్ చేతిలో ఉన్న కుర్ కురే ప్యాకెట్ ని లాక్కొని ఫ్యామిలీ అంతా తింటూ ఉంటారు. వారు తినడం చూసి నోరురిపోతున్నట్లు, తనకి పెట్టమని అడగడంతో సామ్, అక్షయ్ కి ఆ ప్యాకెట్ ఇస్తుంది. అది ఖాళీ చేసి వెళ్తుండగా.. బండి వస్తుంది ఆగమని చెప్తోంది.. ఓ బండి కూడా ఇస్తారా అని అక్షయ్ ఆనందపడేలోపు పోలీస్ సైరెన్ మోగుతోంది. దీంతో అక్షయ్ పని అయిపోతోంది.

ఇక ఈ యాడ్ ని సమంత తన సోషల్ మీడియాలో షేర్ చేస్తూ’ సినిమాలో పోలీస్ ఆఫీసర్ గా కనిపించిన హీరో కుర్ కురే దొంగగా మారిపోయాడు. అక్షయ్ కుమార్ ఏంటి ఈ ప్రవర్తన’ అంటూ చెప్పుకొచ్చింది. ప్రస్తుతం ఈ వీడియో నెట్టింట వైరల్ గా మారింది.

Police officer of the movies turns out to be a Kurkure chor. @akshaykumar 😳 this behaviour?#Kurkure #AbLagaMasala @KurkureSnacks pic.twitter.com/s5T5OZtyO2— Samantha (@Samanthaprabhu2) January 11, 2022