8 వికెట్లు.. 111 పరుగులు
దక్షిణాఫ్రికాతో నిర్ణయాత్మకమైన ఆఖరి టెస్టు మ్యాచ్‌ రసవత్తరంగా మారింది. దక్షిణాఫ్రికా లక్ష్యం 212.. ప్రస్తుతం 101/2. ఇంకా రెండ్రోజుల ఆట మిగిలి ఉంది. డ్రాకు అవకాశాలు అస్సలు లేవు. ఇంకా విజయానికి 111 పరుగులు చేయాలి.. భారత్‌ ఎనిమిది వికెట్లను పడగొట్టాలి.
భారత్‌ నిర్దేశించిన 212 పరుగుల లక్ష్య ఛేదనలో దక్షిణాఫ్రికా మూడో రోజు ఆట ముగిసే సమయానికి రెండు వికెట్ల నష్టానికి 101 పరుగులు చేసింది. పీటర్సన్ (48 నాటౌట్) క్రీజ్‌లో ఉన్నాడు. భారత బౌలర్లు ఎంత శ్రమించినా పీటర్సన్-ఎల్గర్‌ (30) జోడీ వికెట్‌ ఇవ్వకుండా అడ్డుపడ్డారు. ఎట్టకేలకు బుమ్రా బౌలింగ్‌లో డీన్‌ ఎల్గర్‌ (30) వికెట్‌ దొరకడంతో భారత అభిమానులు ఊపిరి పీల్చుకున్నారు. మరో ఓపెనర్ మార్‌క్రమ్‌ (16) విఫలమయ్యాడు. టీమ్‌ఇండియా బౌలర్లు షమీ, బుమ్రా చెరో వికెట్‌ తీశారు.
