అమెరికా మోడల్‌ కైలీ జెన్నర్‌ సరికొత్త రికార్డ్
అమెరికా మోడల్‌ కైలీ జెన్నర్‌ సరికొత్త చరిత్ర సృష్టించింది. ఈ యాప్‌లో ఆమెను అనుసరిస్తున్న వారి సంఖ్య ఏకంగా 30కోట్లు దాటింది. ప్రపంచంలోనే ఇంతమంది ఇన్‌స్టా ఫాలోవర్లు ఉన్న తొలి మహిళగా అరుదైన ఘనత సాధించింది.
పోర్చుగల్‌ ఫుట్‌బాల్‌ స్టార్‌ క్రిస్టియానో రొనాల్డో తర్వాత అత్యధిక ఫాలోవర్లు ఉన్న రెండో వ్యక్తి కైలీనే. ఇప్పటివరకు ఇన్‌స్టాగ్రామ్‌లో అత్యధిక ఫాలోవర్లు కలిగిన మహిళగా పాప్‌ సింగర్‌ అరియానా గ్రాండే ఉండగా.. ఆమెను అధిగమించి కైలీ ఈ రికార్డు దక్కించుకుంది.
ప్రస్తుతం కైలీ రెండోసారి గర్భం దాల్చింది. సాధారణంగా ఈమె ఇన్‌స్టాలో ఎంతో యాక్టివ్‌గా ఉంటుంది. హాట్‌ హాట్‌ ఫొటోషూట్‌లతో అభిమానులను అలరిస్తుంది. మధ్యమధ్యలో తన కుమార్తె, కుటుంబంతో దిగిన ఫొటోలు, వ్యక్తిగత విషయాలకు సంబంధించిన వీడియోలను కూడా షేర్‌ చేస్తుంది.
