తాప్సీ సినిమాలో సమంత

సొట్టబుగ్గల సుందరి తాప్సీ పన్నుకు టాలీవుడ్ కి పెద్దగా కలిసి రాలేదు. కానీ బాలీవుడ్ లో ఈ ముద్దుగుమ్మ బాగానే రాణిస్తుంది. వైవిధ్యమైన సినిమాలు చేస్తూ తనకంటూ ప్రత్యేకమైన గుర్తింపు తెచ్చుకుంది. వరుస సినిమాలతో బిజీగా ఉన్న తాప్సీ నిర్మాతగా టర్న్ తీసుకోనుందట. అంతేకాదు.. ఆమె నిర్మాణంలో తెరకెక్కనున్న సినిమాలో టాలీవుడ్ స్టార్ హీరోయిన్ సమంత ప్రధాన పాత్రలో నటించనుందని సమాచారం.

బాలీవుడ్ లో రాణించాలని భావిస్తున్న సమంత వచ్చిన ఏ అవకాశాన్ని వదులుకోవడం లేదు. వరుణ్ తేజ్ – సమంత జంటగా ఓ గ్గోబల్ వెబ్ సిరీస్ కూడా రాబోతున్నట్టు తెలుస్తోంది. మరోవైపు యష్ రాజ్ ఫిల్మ్స్ సమంతతో వరుసగా మూడు సినిమాలను ఒప్పందం కుదుర్చుకున్నది. ఇందుకోసం ఏకంగా రూ. 20 కోట్లు ఆఫర్ చేసిందనే వార్తలు వినిపిస్తున్నాయి.