మైఖేల్ కోసం వరలక్ష్మీ
విజయ్ సేతుపతి, సందీప్ కిషన్ కలిసి నటిస్తున్న చిత్రం ‘మైఖేల్’. రజింత్ జయకోడి దర్శకత్వం వహిస్తున్నారు. ఈ యాక్షన్ ఎంటర్ టైనర్ పాన్ ఇండియా సినిమాగా తెరకెక్కుతోంది. ఇప్పటికే మొదటి షెడ్యూల్ పూర్తి చేసుకుంది. త్వరలో రెండో షెడ్యూల్ ప్రారంభం కానుంది. ఈ నేపథ్యంలో ఓ కీలక పాత్ర కోసం వరలక్ష్మీ శరత్ కుమార్ ని తీసుకున్నారు. తాజాగా ఆమె వెల్ కమ్ చెబుతూ చిత్ర యూనిట్ స్పెషల్ పోస్టర్ ని షేర్ చేసింది.
ఈ సినిమాలో సందీప్ కిషన్ కి జంటగా దివ్యాంక కౌశిక్ కనిపించనుంది. గౌతమ్ మీనన్ విలన్ పాత్రలో నటిస్తున్నారు. తెలుగు, తమిళ, మళయాలం, కన్నడ, హిందీ భాషల్లో మైఖేల్ ఒకేసారి తెరకెక్కుతోంది. సందీప్ కిషన్ కి తెలుగులో కంటే తమిళ్ లో ఎక్కువగా ఫాలోయింగ్ ఉంది. వైవిధ్యమైన సినిమాలు చేస్తాడనే గుర్తింపు తెచ్చుకున్నారు. ఈసారి ఆయన కోలీవుడ్ స్టార్ విజయ్ సేతుపతితో స్క్రీన్ షేర్ చేసుకుంటున్నారు. ఈ సినిమా హిట్ అయితే సందీప్ పంట పండినట్టే.
